Viral Video: అది కాకి కాదు.. నా బిడ్డ.. చికిత్స చేయించిన యూసుఫ్‌

అదొక శుభసూచకంగా భావిస్తారు. అలాంటి ఓ కాకి ఓ పండ్ల వ్యాపారి కుటుంబంతో విడిపోని బంధాన్ని ఏర్పరచుకొంది. అదెలాగో చూద్దాం. నల్లగొండ జిల్లా దేవరకొండ పట్టణంలో షేక్‌ యూసుఫ్‌ కుటుంబం పండ్ల వ్యాపారం చేసుకుంటూ జీవనం సాగిస్తున్నారు. ప్రతిరోజూ ఓ కాకి వారి ఇంటి బయట పడేసిన ఆహార పదార్థాలు, పాడయిన పండ్లను తినేందుకు వచ్చేది. అలా యూసుఫ్‌ కుటుంబానికి ఆ కాకి దగ్గరైంది. వారి కుటుంబంలో భాగమైపోయింది. ప్రతిరోజు ఉదయం యూసఫ్ ఇంటికి వచ్చి.. సాయంత్రం వరకు అక్కడే ఉంటుంది. సాయంత్రం తిరిగి తన గూటికి వెళ్లిపోతుంది. దీంతో వారు కాకికి పళ్ళు, అన్నం, చికెన్ ఆహారంగా పెట్టేవారు. ఈ క్రమంలో ప్రతిరోజు ఇంటికి వచ్చి ఆహారం పెట్టేవరకూ గోల గోల చేసే కాకి, ఆ రోజు ఎలాంటి ఆహారం ముట్టుకోకపోవడంతో యూసుఫ్‌కు అనుమానం వచ్చింది. కాకికి ఏమైందో అని వారి కుటుంబం కలవరపడింది. రెండురోజులైనా ఆహారం తీసుకోలేదు. దీంతో ఆందోళన చెందినా యూసఫ్ ఆ కాకిని స్థానిక వెటర్నరీ హాస్పిటల్ కు తీసుకువెళ్లాడు. పశు వైద్యుడు పరీక్షించి ఆ కాకికి చికిత్స చేశాడు. తిరిగి కోలుకున్న ఆ కాకి యధావిధిగా ఆహారం తీసుకుంటోంది. దాంతో యూసుఫ్‌ కుటుంబం ఆనందం వ్యక్తం చేశారు. ఆ కాకితో తమ బంధం ఏనాదితో తెలియదు కానీ దానిని తమ కుటుంబ సభ్యుడిగా భావిస్తున్నామని యూసఫ్ కుటుంబం చెబుతోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

వెరైటీ దొంగ.. బంగారం, డబ్బు ఏదీ ఎత్తుకెళ్లడు కానీ

రైలులో బీభత్సం.. ప్రయాణికులపై కత్తితో దుండగుల దాడి

30 వేల అడుగుల ఎత్తులో విమానం ..ప్రయాణికుడికి గుండెపోటు.. ఏం జరిగిందంటే

Telangana: సిరిసిల్ల జిల్లా కుర్రాడికి, ఫ్రాన్స్‌ అమ్మాయికి పెళ్లి

Hyderabad: హైదరాబాద్‌ మెట్రో ప్రయాణికులకు అలర్ట్‌