Girl Fights off Wild Bear: పెంపుడు కుక్కల కోసం ప్రాణాలకు తెగించి ఎలుగుబంటితో పోరాడిన యువతి.. వీడియో వైరల్..

Girl Fights off Wild Bear: పెంపుడు కుక్కలను చాలా మంది తమ కుటుంబ సభ్యుడితో సమానంగా భావిస్తుంటారు. దానికి ఏమైనా అయితే భరించలేరు. అలాంటిది ప్రమాదం ముంచుకొస్తే చూస్తూ ఉరుకుంటారా? సాధ్యమైనంత వరకు దాన్ని కాపాడేందుకే ప్రయత్నిస్తారు. తాజాగా ఇలాంటి ఘటనే ఒకటి కాలిఫోర్నియాలో వెలుగు చూసింది. ఓ యువతి ప్రాణాలకు తెగించి.. భయంకరమైన ఎలుగుబంటి నుంచి తన పెంపుడు కుక్కను కాపాడుకుంది. ఒళ్లు గగుర్పొడిచే ఈ ఘటన తాలూకు వీడియో సోషల్ మీడియాలో తెగ వైరల్ అవుతోంది.

కాలిఫోర్నియాలోని బ్రాడ్‌ఫోర్డ్‌లో గోడపై నడుచుకుంటూ ఓ ఎలుగుబంటి దాని రెండు పిల్లలు ఓ ఇంట్లోకి ప్రవేశించేందుకు ప్రయత్నించాయి. అయితే, ఇంట్లోని పెంపుడు కుక్క, దాని పిల్లలు ఆ ఎలుగుబంటిని అడ్డుకునేందుకు ప్రయత్నించాయి. ఈ క్రమంలో ఎలుబంటిని భయపెట్టిస్తూ గట్టిగా అరిచాయి. దాంతో పిల్ల ఎలుగుబంట్లు పారిపోగా.. తల్లిఎలుగుబంటి కుక్కలను ఎదిరించింది. ఇంతలో దీనిని గమనించిన ఇంట్లోని 17 ఏళ్ల హేలీ మోరినికో.. పరుగెత్తుకుంటూ వచ్చి ఒక్క ఉదుటున ఆ ఎలుగుబంటిని గోడ పై నుంచి కిందకు నెట్టివేసింది. ఆ వెంటనే క్షణాల వ్యవధిలోనే పెంపుడు కుక్కలను ఇంట్లోకి తీసుకెళ్లింది. ఈ ఘటన అంతా ఇంటి ఆవరణలోని సీసీ కెమెరాలో రికార్డ్ అయ్యింది.

కాగా, మోరినికో కుటుంబ సభ్యులు ఈ వీడియోను సోషల్ మీడియాలో షేర్ చేయడంతో అదికాస్తా వైరల్‌గా మారింది. పెంపుడు కుక్కల కోసం యువతి చేసిన సాహసాన్ని ప్రశంసించారు. ఈ వీడియోను యూట్యూబ్‌లో మంగళవారం పోస్ట్ చేయగా.. గంటల వ్యవధిలోనే 60 మిలియన్లకు పైగా వ్యూస్ లభించాయి. అదే సమయంలో 8.4 మిలియన్ల లైక్స్ ఆ వీడియోకు వచ్చాయి. యువతి ధైర్యానికి నెటిజన్లు హాట్సాఫ్ చెబుతున్నారు. కాగా, వేసవి సమయంలో తమ ప్రాంతంలో ఎలుగుబంట్ల సంచారం సర్వసాధారణం అని మోరినికో పేర్కొంది.

Viral Video:

Also read:

Treasure Hunt: మంచిర్యాలలో గుప్త నిధుల కలకలం.. విచిత్రంగా పసుపు, కుంకుమ‌తో ముగ్గు వేసి