ఎన్ని AIలు వచ్చినా మనిషి మేధస్సుకు ఢోకా లేదు

అత్యంత అధునాతన ఆర్టిఫిషియల్ ఇంటెలిజెన్స్ కూడా ప్రోగ్రామర్లను భర్తీ చేయలేదని మైక్రోసాఫ్ట్ సహ వ్యవస్థాపకులు బిల్ గేట్స్ అన్నారు. ఇంకా 100 ఏళ్లు అయినా ఇది జరగని పని అని కుండబద్ధలు కొట్టేశారు. కోడింగ్‌కు ఎంతో క్రియేటివిటీ అవసరమని.. ఏఐతో అది సాధ్యం కాదని వ్యాఖ్యానించారు. డీబగ్గింగ్ వంటి విషయాలకు ఏఐ సహాయం చేయగలదని అన్నారు. కానీ ప్రోగ్రామింగ్‌లో నిజమైన సవాల్.. క్లిష్ట సమస్యను క్రియేటివిటీతో పరిష్కరించడం.. అది మెషిన్స్ చేయలేవని చెప్పారు. కోడ్ రాయడం అంటే కేవలం టైప్ చేయడం కాదు. ఎంతో లోతుగా ఆలోచించడం అని గేట్స్ అన్నారు. అభివృద్ధిలో టెక్నాలజీ ఎన్ని కొత్త పుంతలు తొక్కినా.. ప్రోగ్రామింగ్‌కు మాత్రం మనుషులే అవసరమని బిల్‌ గేట్స్ చెప్పారు. క్రియేటివిటీ, సిట్యువేషన్‌కు తగ్గట్లుగా మారడం వంటివి ఏఐ చేయలేదన్నారు. 2030 నాటికి AI దాదాపు 85 మిలియన్ల ఉద్యోగాలను భర్తీ చేస్తుందని, అదే సమయంలో 97 మిలియన్ల కొత్త ఉద్యోగాలను సృష్టిస్తుందని వరల్డ్ ఎకనామిక్ ఫోరం అంచనా వేస్తున్న సమయంలో బిల్‌ గేట్స్ వ్యాఖ్యలు ప్రాధాన్యత సంతరించుకున్నాయి. ఏఐ ప్రమాదాల గురించి భయపడుతున్నట్లు బిల్‌ గేట్స్ చెప్పారు. అయితే తెలివిగా వాడుకుంటే.. ఏఐ ఉత్పాదకతను మెరుగుపరుస్తుందని, ప్రజలకు మరింత ఖాళీ టైమ్ మిగులుతుందని స్పష్టం చేశారు.

మరిన్ని వీడియోల కోసం ఇక్కడ క్లిక్ చేయండి

Also Watch:

చిన్నోడనుకునేరు.. మనోడు మహా రసికుడు..

గుడ్డు వారికి పాయిజన్‌తో సమానం!

సొంత మనవళ్లే కాడేద్దులు.. హృదయాలను కుదిపేస్తున్న రైతన్న కష్టాలు

పొద్దున్నే తలుపు తీయగానే.. గుండెలు బద్దలయ్యే సీన్

ఫేక్ రివ్యూ ఎఫెక్ట్ పోలీస్‌ స్టేషన్‌కు పూల చొక్కా…