పెన్నా నది ఉగ్రరూపం.. నదిలోకి కొట్టుకొచ్చిన బోట్లు

గతంలో ప్రకాశం బ్యారేజి వద్ద బొట్లు గేట్లకు కొట్టుకుని వచ్చిన విషయం పెద్ద రాజకీయ దుమారం రేపింది. అదే తరహాలో కాకున్నా అంతే వేగంతో వచ్చిన బోట్లు గాలి ధాటికి దిశ మార్చుకున్నాయి. నెల్లూరు జిల్లా సంఘం బ్యారేజి వద్ద పెను ప్రమాదం తప్పింది. మొందా తుఫాన్ ప్రభావంతో జిల్లాలో భారీ వర్షాలు కురవడంతో కండలేరు, సోమశిల జలాశయాలు నిండుకుండలా మారి ప్రమాద స్థాయికి చేరుకున్నాయి. దీంతో అధికారులు కండలేరు నుంచి తెలుగు గంగ కి నీటిని విడుదల చేయగా సోమశిల జలాశయం నుంచి పెన్నా నదిలోకి నీటిని విడుదల చేసారు. సోమశిల నుంచి విడుదల చేసిన నీరు సంఘం బ్యారేజి వద్దకు చేరుకున్న తరువాత అధికారులు ఎప్పటికప్పుడు పరిస్థితికి తగ్గట్లు సంఘం బ్యారేజి గేట్లు ఎత్తి పెన్నాకి నీటిని విడుదల చేశారు. సోమశిల నుంచి సంగం బ్యారేజీకి నీరు వచ్చే సమయంలో అప్పటికే పెన్నా నుంచి ఇసుకను తరలించేందుకు ఉపయోగించే మూడు బోట్లు తుఫాన్ గాలుల ధాటికి తాళ్ళు తెగి నీటి ప్రవాహం లో కొట్టుకుపోయాయి. నీటి ప్రవాహానికి కొట్టుకు వచ్చిన బోట్లు సంఘం బ్యారేజి వద్దకు చేరుకుని గేట్లను ఢీకొడితే పెను ప్రమాదమే జరిగేది. ఓ వైపు పెన్నాలో సోమశిల నీటి ప్రవాహం..మరోవైపు తుఫాన్ గాలుల ధాటికి వేగంగా వస్తున్న బోట్లు కలిసి అధికారుల గుండెల్లో రైళ్లు పరుగెత్తించాయి. కళ్ళ ముందు బోట్లు కొట్టుకుని వస్తున్నా ఏమి చేయలేని పరిస్థితి నెలకొంది. వేగంగా నీటి ప్రవాహంలో కొట్టుకుని వస్తున్న బోట్లు సంఘం బ్యారేజీకి సమీపంగా వచ్చే సమయంలో అనూహ్యంగా దిశ మార్చుకున్నాయి. దీంతో సంఘం బ్యారేజీకి పెను ప్రమాదం తప్పింది.

మరిన్ని వీడియోల కోసం ఇక్కడ క్లిక్ చేయండి

Also Watch:

మొంథా ఎఫెక్ట్‌.. పాఠశాలలకు సెలవు

బంగారం ధర భారీగా తగ్గింది..తులం ఎంతంటే ??

జలదిగ్బంధంలో వరంగల్.. చెరువులుగా మారిన కాలనీలు

చేపల కోసం వల వేసిన జాలరి.. ఆ వలలో చిక్కింది చూసి షాక్‌

భారీగా నగలు ధరిస్తే.. రూ. 50 వేలు జరిమానా !