PM Modi: ప్రధాని మోదీ నివాసంలో కీలక సమావేశం.. త్రివిధ దళాల ఉన్నతాధికారులు హాజరు

ప్రధానమంత్రి నరేంద్ర మోదీ నివాసంలో కీలక సమావేశం జరుగుతోంది. ఈ భేటికి త్రివిధ దళాల ఉన్నతాధికారులు హాజరయ్యారు. త్రివిధ దళాల నాయకులు ఆపరేషన్ సింధూర్, భారత సరిహద్దుల్లో తాజాగా చోటు చేసుకుంటున్న పరిణామాలపై ప్రధాని మోదీకి వివరించారు. ఆపరేషన్ సింధూర్ తర్వాత పాక్.. భారత సరిహద్దు ప్రాంతాల్లో కాల్పులకు తెగబడింది. ఈ దాడులను మూడు భారత సాయుధ దళాల సైనికులు సమర్ధవంతంగా తిప్పికొడుతున్నారు. దేశ సరిహద్దు ప్రాంతాల్లో ప్రస్తుతం ఉద్రిక్తత నెలకొంది. పలు సరిహద్దు ప్రాంతాల్లో బ్లాక్ అవుట్ ప్రకటించింది కేంద్రం. మొత్తం పరిస్థితిని సమీక్షించడానికి ప్రధానమంత్రి నరేంద్ర మోదీ ఈ సమావేశాన్ని ఏర్పాటు చేశారు. దేశ సరిహద్దు రాష్ట్రాల్లో జరుగుతున్న పరిణామాలను ప్రధాని మోదీ నిశితంగా గమనిస్తున్నారు. దేశవ్యాప్తంగా హైఅలర్ట్ ప్రకటించారు. ఈ నేపథ్యంలో ఈ సమావేశం ప్రాముఖ్యతను సంతరించుకుంది.