Heart Attack: ఆకస్మిక గుండెపోట్లకు అధిక శాతం కారణం అదేనట

ఆకస్మిక గుండెపోట్లు, మెటబాలిక్ సిండ్రోమ్ వంటి తీవ్రమైన ఆరోగ్య సమస్యల వెనుక యూరిక్ యాసిడ్ కీలక పాత్ర పోషిస్తున్నట్లు తెలుస్తోంది. శరీరంలో ప్యూరిన్ల జీవక్రియ తర్వాత మిగిలిపోయే వ్యర్థ పదార్థమే యూరిక్ యాసిడ్ అని, మూత్రపిండాలు దానిని బయటకు పంపేస్తాయని తెలిసిన విషయమే. కానీ, దీని స్థాయిలు పెరిగినప్పుడు అది శరీరంలో ఒక ఇన్‌ఫ్లమేటరీ రసాయనంలా ప్రవర్తించడం మొదలుపెడుతుంది. అధిక యూరిక్ యాసిడ్ రక్తనాళాలలో ఆక్సిడేటివ్ స్ట్రెస్‌ను ప్రేరేపిస్తుందని పరిశోధకులు గమనించారు. ఈ కారణంగా రక్తనాళాల లోపలి పొర దెబ్బతింటుంది. ఈ నష్టం ఎలాంటి లక్షణాలు బయటకు కనిపించకుండానే నిశ్శబ్దంగా జరిగిపోతూ, గుండె జబ్బులకు పునాది వేస్తుంది. అంటే, ఇది కేవలం కీళ్ల నొప్పులకే కాదు, గుండెను కూడా బలహీనపరుస్తుందని స్పష్టమవుతోంది. సాధారణంగా కొలెస్ట్రాల్, రక్తనాళాల్లో అడ్డంకుల వల్లే గుండెపోటు వస్తుందని భావిస్తారు. అయితే, కొలెస్ట్రాల్ స్థాయిలు సాధారణంగా ఉన్నప్పటికీ, యూరిక్ యాసిడ్ ఎక్కువగా ఉన్నవారిలో ఆకస్మిక గుండెపోటు ప్రమాదం గణనీయంగా పెరుగుతున్నట్లు అధ్యయనాలు చెబుతున్నాయి. యూరిక్ యాసిడ్ మైక్రోవాస్కులర్ వ్యాధికి, అంటే చిన్న రక్తనాళాలు గట్టిపడటానికి లేదా సన్నబడటానికి కారణమవుతుంది. ఈ చిన్న అడ్డంకులు సాధారణ స్కానింగ్‌లలో కనిపించకపోవచ్చు, కానీ ఇవి గుండెకు ఆక్సిజన్ సరఫరాను అడ్డుకుని, ఎటువంటి ముందస్తు హెచ్చరిక లేకుండానే గుండెపోటుకు దారితీస్తాయి. కొలరాడో విశ్వవిద్యాలయానికి చెందిన మూత్రపిండ వ్యాధుల పరిశోధకుడు డాక్టర్ రిచర్డ్ జాన్సన్ ప్రకారం, యూరిక్ యాసిడ్ ఇన్సులిన్ నిరోధకతను ప్రేరేపిస్తుందని, ఇది మెటబాలిక్ సిండ్రోమ్ అభివృద్ధిలో కీలకమైన దశ అని సూచించారు. అంటే, రక్తంలో చక్కెర పెరగడానికి లేదా బరువు పెరగడానికి ముందే, యూరిక్ యాసిడ్ మన జీవక్రియలను దెబ్బతీయడం ప్రారంభిస్తుందని చెప్పవచ్చు. యూరిక్ యాసిడ్ పెరగడానికి మాంసం, సముద్రపు ఆహారం, తీపి పానీయాలు మాత్రమే కారణమని చాలామంది అనుకుంటారు. కానీ, తెలియని కారణాలు చాలా ఉన్నయంటున్నారు. డీహైడ్రేషన్, కఠినమైన డైటింగ్‌, నిద్రలేమి, ప్యాకేజ్డ్‌ ఫుడ్‌లో ఉండే హై ఫ్రక్టోజ్‌ కార్న్‌ సిరప్‌ యూరిక్‌ యాసిడ్‌ పెరగడానికి దోహదం చేస్తున్నట్టు తెలిపారు. అయితే, మందులతో పాటు కొన్ని జీవనశైలి మార్పులు చేసుకోవడం ద్వారా యూరిక్ యాసిడ్‌ను అదుపులో ఉంచుకోవచ్చని నిపుణులు సూచిస్తున్నారు. నీరు ఎక్కువగా తాగడం, తేలికపాటి వ్యాయామం,మెగ్నీషియం ఎక్కువగా ఉండే ఆహారం తీసుకోవడం, ఉప్పు వాడకంలో జాగ్రత్త వహించడం లాంటివి యూరిక్‌ యాసిడ్‌ను నివారించడానికి దోహదపడతాయని నిపుణులు సూచిస్తున్నారు. ఈ సమాచారం కేవలం అవగాహనకోసం మాత్రమే. ఎలాంటి ఆరోగ్య సమస్యలు ఉన్నా వైద్యులను సంప్రదించడం మంచిది.

మరిన్ని వీడియోల కోసం ఇక్కడ క్లిక్ చేయండి

Also Watch:

సైక్లింగ్ మంచిదా.. రన్నింగ్ మంచిదా.. విస్తు పోయే నిజాలు

ప్రియురాలి కరివేపాకు కోరిక తీర్చేందుకు.. దేశాలు దాటి వచ్చిన ప్రియుడు..!

ఫ్రిజ్‌‌లో వింత సౌండ్స్.. వెళ్లి చూడగా గుండె గుభేల్‌

ఫ్యాటీ లివర్‌ సమస్య ఉందా? అయితే, ఈ పది రకాల ఆహార పదార్థాలు మీ కోసమే

గర్భస్రావం తర్వాత జుట్టు రాలుతోందా ?? తగ్గించాలంటే ??