ఛావా తెలుగు వెర్షన్ జూనియర్ ఎన్టీఆర్ చేస్తున్నారా?

చావా సినిమా ఎఫెక్ట్ తో ఇప్పుడు ఛత్రపతి శివాజీ బయోపిక్ ని కూడా తెరకెక్కించాలనే డిమాండ్ నెట్టింట ఎక్కువైంది. దాంతో పాటే ఈ సినిమాలో గ్లోబల్ స్టార్ రాంచరణ్ హీరోగా నటించితే చూడాలనే కోరిక థ్రూఅవుట్ ఇండియా చాలా గట్టిగా వినిపిస్తోంది. ఇప్పటికే జక్కన్న ట్రిపుల్ ఆర్ సినిమాలో కాశాయ బట్టల్లో గుబురు గడ్డం, కోరమీసం తో చరణ్ ను చూసిన నార్త్ ఫ్యాన్స్ ఛత్రపతిగా రాంచరణ్ నే పర్ఫెక్ట్ అంటూ నెట్టింట పోస్టులు పెడుతున్నారు. రాంచరణ్ ను ఛత్రపతి శివాజీగా ఫోటోషాప్ చేసిన ఫోటోలు షేర్ చేస్తున్నారు. అంతేకాదు ఈ సినిమా జక్కన్న డైరెక్ట్ చేస్తే సినిమా నెక్స్ట్ లెవెల్ కు వెళ్ళడం ఖాయం అంటూ చెబుతున్నారు. జక్కన్నను ట్యాగ్ చేసి చరణ్ తో ఛత్రపతి శివాజీ సినిమా చేయాలని రిక్వెస్ట్ చేస్తున్నారు. ఇప్పటికే చావా సినిమా పై అంతటా ప్రశంసలు వర్షం కురుస్తుంది. విక్కీ నటనతో మరోసారి దేశ ప్రజలు ఛత్రపతి శివాజీని ఆయన కుమారుడు సంభాజీ మహారాజును తలచుకుంటున్నారు. సామాన్యుల నుంచి సెలబ్రిటీల వరకు అందరూ ఈ సినిమా పై ప్రశంసలు కురిపిస్తున్నారు. ఈ క్రమంలోనే ప్రధానమంత్రి నరేంద్ర మోడీ కూడా ఇప్పుడు ఈ సినిమా గురించి మాట్లాడారు. ఇటీవల జరిగిన 98వ అఖిల భారత మరాఠీ సాహిత్య సమ్మేళనం ప్రారంభోత్సవంలో ప్రధాని మోడీ చావా సినిమా పై ప్రశంసలు కురిపించారు.