PM Modi Biopic: మోదీ బయోపిక్‌పై క్లారిటీ ఇచ్చిన నటుడు సత్యరాజ్‌

ప్రధాని నరేంద్ర మోదీ బయోపిక్‌కు షూటింగ్‌ మొదలుకాబోతున్నట్లు గత కొన్ని రోజులుగా వార్తలు వస్తున్నాయి. ఈ సినిమాలో మోదీ పాత్రలో ప్రముఖ నటుడు సత్యరాజ్‌ నటిస్తున్నారని జోరుగా ప్రచారం జరుగుతోంది. తాజాగా ఆ వార్తలపై ఆయన స్పందించారు. ఓ ఆంగ్ల మీడియాకు ఇచ్చిన ఇంటర్వ్యూలో దీని గురించి మాట్లాడారు. తాను నరేంద్ర మోదీ బయోపిక్‌లో నటించనున్నట్లు వస్తోన్న వార్తల్లో నిజం లేదనీ అన్నారు. అవి చూసి తానూ ఆశ్చర్యపోయాననీ ఇటువంటి రూమర్స్‌ నమ్మకండని కోరారు. ఆ చిత్రం కోసం ఇప్పటివరకు తననెవరూ సంప్రదించలేదనీ సోషల్ మీడియాలో ఇలాంటి తప్పుడు వార్తలను ప్రచారం చేయకండని విజ్ఞప్తి చేశారు. ఒకవేళ ఈ బయోపిక్‌ కోసం ఎవరైనా సంప్రదించినా తాను అంగీకరించననీ.. ఎందుకంటే అది తన సిద్ధాంతాలకు వ్యతిరేకంగా ఉండే అవకాశముందని క్లారిటీ ఇచ్చారు. గతంలోనూ ఈ విషయంపై ఆయన మాట్లాడుతూ ఇదే మాట చెప్పారు. మోదీ బయోపిక్‌లో తాను నటించబోనన్నారు. మోదీ జీవితంపై బయోపిక్‌ రావడం ఇదే తొలిసారి కాదు. పీఎం నరేంద్ర మోదీ పేరుతో గతంలో ఓ హిందీ చిత్రం విడుదలైంది. ఒమంగ్‌ కుమార్‌ దర్శకత్వం వహించిన ఆ సినిమాలో వివేక్‌ ఒబెరాయ్‌ ప్రధాన పాత్ర పోషించారు. అందులో మోదీ బాల్యం నుంచి ప్రధాని అయ్యేవరకు చూపించారు.

మరిన్ని వైరల్ వీడియోల కోసం ఇక్కడ క్లిక్ చేయండి

Also Watch:

Trump Biopic: ట్రంప్‌ బయోపిక్‌లో మొదటి భార్యపై లైంగికదాడి సీన్‌

apkతో సైబర్‌ నేరగాళ్ల మోసం.. ఇంతకీ ఏంటీ మోసం ?? ఎలా దోచేస్తున్నారు ??

ఆ పురుగులొచ్చాయంటే వర్షాలకు కరవు లేనట్టే

అందుకే మరి… ఏనుగును తక్కువ అంచనా వేయకూడదు

పెరగనున్న టోల్ ఛార్జీలు.. వాహనదారుల జేబుకు చిల్లు