21న వచ్చే సూర్య గ్రహణం వెరీ స్పెషల్‌.. ఎందుకంటే!

ఇదే రోజు భాద్రపద మాసం అమావాస్య రోజు అంటే మహాలయ అమావాస్య రోజు. ఈ మహాలయ అమావాస్యకు హిందు సనాతన ధర్మంలో విశేషమైన ప్రాముఖ్యత ఉంది. ఈ ఏడాది సెప్టెంబర్ 7వ తేదీ నుంచి పితృ పక్షం ప్రారంభమైంది. ఈ పితృ పక్షానికి హిందూ సంప్రదాయంలో ఎంతో విశేషమైన ప్రాముఖ్యత ఉంది. సుమారు 15 రోజుల పాటు ఈ పితృ పక్షాలు ఉంటాయి. భాద్రపద మాసం అమావాస్య రోజు అంటే సెప్టెంబర్‌ 21వ తేదీన ఈ పితృ పక్షాలు ముగుస్తాయి. ఈ 15 రోజుల కాలం పూర్వీకులను స్మరించుకుంటూ.. వారికి పితృకార్యాలు చేసేదిగా పండితులు చెబుతారు. ఈ పితృ పక్షం సమయంలో పూర్వీకులు 15 రోజులు భూమి మీదకి వచ్చి తమ వారసులను ఆశీర్వదిస్తారని ప్రగాఢ విశ్వాసం. మహాభారతంలో కూడా ఈ మహాలయ అమావాస్య ప్రస్తావన ఉందంటే దీని విశిష్టత ఏపాటిదో అర్థం చేసుకోవచ్చు. ఈ మహాలయ అమావాస్య విశిష్టత ఏమిటంటే.. ఎవరైనా ఒక వ్యక్తి ఏరోజు, ఏ తిథిలో చనిపోయారో తెలియక వారి చనిపోయిన ఏడాదిలో, తిథిలో శ్రాద్ధ కర్మలు నిర్వహించలేని వారు ఈ మహాలయ అమావాస్య రోజు శ్రాద్ధ కర్మలు నిర్వహిస్తే ఎంతో పుణ్యమని అంటారు. ఈ మహాలయ అమావాస్య రోజున శ్రాద్ధ కర్మలు ఆచరించిన వారికి పితృదేవతల ఆశీస్సులు కలుగుతాయని ఈ ఏడాది మొత్తం దాని ఫలితం ఉంటుందని కూడా చెబుతారు. ఇక.. తెలంగాణలో బతుకమ్మ పండుగ మహాలయ అమావాస్య రోజు నుంచి ప్రారంభమవుతుంది. ఈ బతుకమ్మ పండుగను 9 రోజుల పాటు ఘనంగా జరుపుకుంటారు. తెలంగాణ రాష్ట్ర సంస్కృతి, సంప్రదాయాలకు బతుకమ్మ పండుగ ప్రతీక. ఈ ఏడాది మహాలయ అమావాస్య అంటే సెప్టెంబర్‌ 21వ తేదీను ప్రారంభమవుతుంది. సెప్టెంబర్‌ 30వ తేదీన సద్దుల బతుకమ్మతో పండుగ ముగుస్తుంది. ఈ 9 రోజులు పార్వతీ దేవీని గౌరీ దేవీ రూపంలో ఘనంగా ఆరాధిస్తారు. ఆటపాటలతో, పకృతిలో సహజసిద్ధంగా పూచే పూలతో, సంప్రదాయ వంటలతో గౌరమ్మను పూజిస్తారు.

మరిన్ని వీడియోల కోసం ఇక్కడ క్లిక్ చేయండి

Also Watch:

లంచం తీసుకుంటూ దొరికిపోయిన గ్రూప్ 1 ఎగ్జామ్ టాపర్

వరల్డ్‌ బుక్‌ ఆఫ్‌ రికార్డ్స్‌‌లో చంద్రబాబు మనవడు.. ఫాస్టెస్ట్ చెక్ మేట్ సాల్వర్‌గా నారా దేవాన్ష్‌

Weather Report: నైరుతి తిరోగమనం.. 3 రోజులు ముందుగానే

Honey Trap: హనీ ట్రాప్‌లో యోగా గురువు.. ఆ తర్వాత

దొంగల ముఠాకు దిమ్మదిరిగే షాకిచ్చిన మేకలు