Viral Video: రెస్టారెంట్‌లోకి దూసుకొచ్చిన దున్నపోతు.. వ్యక్తిని గాల్లోకి ఎగరేసి.. చూస్తే షాకవుతారంతే.!
సోషల్ మీడియాలో అనేక వీడియోలు తరచూ వైరల్ అవుతుంటాయి. అందులో కొన్ని మనకు నవ్వు తెప్పిస్తే..
Updated on: Jan 10, 2022 | 4:41 PM
సోషల్ మీడియాలో అనేక వీడియోలు తరచూ వైరల్ అవుతుంటాయి. అందులో కొన్ని మనకు నవ్వు తెప్పిస్తే.. మరికొన్ని ఆశ్చర్యాన్ని కలిగిస్తాయి. ఇంకొన్ని వణుకు పుట్టించే విధంగా ఉంటాయి. సరిగ్గా ఈ కోవకు చెందిన ఓ వీడియో ప్రస్తుతం నెట్టింట తెగ హల్చల్ చేస్తోంది. అనూహ్యంగా ఓ దున్నపాటు రెస్టారెంట్‌లోకి ప్రవేశించి రచ్చ.. రచ్చ చేసింది. అదేంటో చూసేయండి..
ఒక రెస్టారెంట్‌లో ఊహించని సంఘటన ఎదురైంది. ఓ వక్తి తృటిలో మృత్యువునుంచి తప్పించుకున్నాడు. అసలేం జరిగిందంటే.. చైనాలోని జిన్హువాలో ఒక రెస్టారెంట్‌లోకి దున్నపోతు దూసుకొచ్చింది. ఆ సమయంలో రెస్టారెంట్‌లో ఇద్దరు వ్యక్తులు ఉన్నారు. ఓ వ్యక్తి నీళ్లు తాగుతూ ఉన్నాడు. ఇంతలో ఊహించని విధంగా రెస్టారెంట్‌లోకి దూసుకొచ్చని దున్న ఆ వ్యక్తిని దాని కొమ్ములతో గాల్లోకి ఎగరేసి కుమ్మేసింది. ఈ దాడిలో ఆ వ్యక్తి తీవ్రంగా గాయపడ్డాడు. పక్కనే ఉన్న మరో వ్యక్తి అతడిని కాపాడి వేరీ గదిలోకి తీసుకెళ్లాడు. ఇంతలో స్థానికులు అక్కడికి చేరుకొని గాయపడిన వ్యక్తిని ఆస్పత్రికి తరలించారు. అతని పరిస్థితి విషమంగా ఉన్నట్లు సమాచారం.
ఆ రెస్టారెంట్‌లో దున్న చేసిన దాడి ఘటన సీసీ కెమెరాల్లో రికార్డ్‌ అయింది. తూర్పు చైనా నగరం తైజౌ‌లో జరిగిన ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. అక్కడికి దగ్గర్లోనే ఉన్న కబేళా సెంటర్ నుంచి దున్న తప్పించుకొని పారిపోయినట్లు తెలిసింది. గాయపడిన వ్యక్తికి ఆ దున్నకు చెందిన యజమాని పరిహారం చెల్లించేందుకు అంగీకరించినట్లు తెలిసింది.
View this post on Instagram
