Telugu News Trending Viral News: You Can Get Paid Rs 59,000 Monthly to Sell Books Barefoot on Luxury Maldives Island
Barefoot Bookseller: అందమైన దీవిలో పుస్తకాల అమ్మకం.. నెలకు జీతం రూ. 59 వేలు.. కండిషన్స్ అప్లై
మాల్దీవులలోని ఒక విలాసవంతమైన ద్వీపంలో, ఒక పుస్తక విక్రేతకు పుస్తకాలు అమ్మే ఉద్యోగం వచ్చింది, అందులో $750 అంటే నెలకు దాదాపు 59 వేల రూపాయలు జీతంగా ఇస్తున్నారు. అల్టిమేట్ లైబ్రరీ లో ఉద్యోగం చేయాలంటే.. కొన్ని స్పెషల్ కండిషన్స్ కూడా ఉన్నాయి
దీవి అనగానే వెంటనే ఇండోనేషియాలోని బాలి, మాల్దీవులు వంటి అందమైన దీవులు మనసులో మెదులుతాయి. వీటిని చాలా మంది ప్రజలు సందర్శించాలని కలలుకంటూ ఉంటారు. వీటిని ప్రపంచంలో అత్యంత అందమైన ద్వీపాలు అని పిలుస్తారు. ఈ ద్వీపాలను సందర్శించే పర్యాటకులు దీవుల్లోని అందాలను ఎంతగానో ఇష్టపడతారు. అక్కడ నుంచి తిరిగి స్వగ్రామానికి వెళ్లాలంటే కూడా చాలా కష్టంగా భావిస్తారు. అలనాటి ఈ దీవులను పర్యాటకుల్లా కాకుండా.. మంచి జీతం వచ్చే ఉద్యోగం సంపాదించి అక్కడే ఉండిపోతే.. ఆ ఊహే సూపర్బ్ అనిపిస్తుందిగా.. అవును మంచి జీతంతో ఉద్యోగం, దీవిలో నివసించడానికి, పని చేయడానికి ఎవరు ఇష్టపడరు చెప్పండి. మాల్దీవుల్లోని అద్భుతమైన ద్వీపంలో ఇలాంటి ఉద్యోగం ఇస్తున్నారు.
1 / 5
వాస్తవానికి, మాల్దీవుల విలాసవంతమైన ద్వీపంలో, పుస్తకాలు అమ్మే ఉద్యోగం ఉంది.ఈ ఉద్యోగం చేసేవారికి $ 750 అంటే నెలకు దాదాపు భారతీయ కరెన్సీలో రూ. 59 వేలను జీతంగా ఇస్తున్నారు. ఈ ప్రత్యేకమైన పనిని అల్టిమేట్ లైబ్రరీ చేపట్టింది.
2 / 5
లైబ్రరీ సేల్స్ మేనేజర్ అలెక్స్ మెక్ క్వీన్ ప్రకారం, అతను పుస్తకాలను అమితంగా ఇష్టపడే, ప్రయాణాలను ఇష్టపడే వ్యక్తి కోసం చూస్తున్నాడు. ఈ ఉద్యోగం ఏడాది పాటు కాంట్రాక్ట్‌పై చేయాల్సి ఉంది. ఇందులో ఉద్యోగి వివిధ దీవులకు వెళ్లి పుస్తకాలు విక్రయించాల్సి ఉంటుందని ఆయన చెప్పారు.
3 / 5
గార్డియన్ నివేదిక ప్రకారం, ఈ ఉద్యోగానికి ఎంపికైన అభ్యర్థికి ఉచిత వసతి, ఆహారం వంటి అన్ని రకాల సౌకర్యాలు ఇవ్వబడతాయి. దీనితో పాటు ఆ ఉద్యోగి జిమ్, స్పా , వాటర్‌స్పోర్ట్‌లను కూడా ఉచితంగా ఆస్వాదించవచ్చు. అక్టోబరు నుంచి ఉద్యోగ ఒప్పందం ప్రారంభమవుతుందని.. ఇది ఏడాది పాటు కొనసాగుతుందని చెబుతున్నారు.
4 / 5
అయితే ఈ లైబ్రెరీలో ఉద్యోగం చేయాలంటే.. కండిషన్స్ కూడా అప్లై అంటున్నారు. అవును ఈ ఉద్యోగానికి చాలా విచిత్రమైన షరతు ఉంది, దానిని అభ్యర్థి పాటించాల్సిందే. పుస్తకాలను అమ్మే వ్యక్తి.. సముద్ర తీరంలో కాళ్లకు బూట్లు, చెప్పులు ధరించకూడదు. వాస్తవానికి, మాల్దీవుల్లోని అన్ని బీచ్‌లలో కాళ్లకు పాదరక్షలు ధరించకూడదనే కండిషన్ ఉంది. అదే ఈ ఉద్యోగంలో కూడా అమలు చేస్తున్నారు. ఈ షరత్ ను పెట్టారు.
