Viral: ఈ ‘మసాలా దోశ’ యమా కాస్ట్లీ గురూ.! ధర ఎంతో తెలిస్తే మైండ్ బ్లాంకే..

మీరెప్పుడైనా టిఫిన్‌లో ‘దోశ’ను తిన్నారా.? ఇదేం పిచ్చి ప్రశ్న అని ఆలోచిస్తున్నారా..! ప్రతీ ఒక్కరు తమ బ్రేక్‌ఫాస్ట్‌లో ఇడ్లీ, పూరి, బజ్జీతో పాటు దోశలను కూడా తింటుంటారు. సాధారణంగా చాలా చోట్ల సాదా దోశ రూ. 30 ఉంటే.. ఆనియన్ దోశ, ఉప్మా దోశ, మసాలా దోశ లాంటివి రూ. 40 – రూ. 50 మధ్య దొరుకుతుంటాయి. అయితే ఇక్కడొక దోశ ఖరీదు పదుల్లో కాదు.. ఏకంగా వందల్లో ఉంది.. అదేదో బంగారంతో చేసిన దోశ అనుకోకండి.. సాదాసీదా మసాలా దోశ అది. అందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. మరి ఇంతకీ అంత రేటు ఏంటో ఇప్పుడు చూసేద్దామా..

వీడియో ప్రకారం.. ముంబై విమానాశ్రయంలోని ఓ హోటల్‌లో ఉన్న రేట్లు చూసి.. ఏకంగా ఇంటర్నెట్ మతిపోతోంది. అక్కడ ఓ వ్యక్తి పెనంపై దోశ పిండి వేసి.. అందులో మసాలా యాడ్ చేసి కాలుస్తాడు. ఇక ఆ దోశ రేటు వచ్చేసి.. రూ. 600.. ఒక్క దోశ మాత్రమే కాదు.. ఆ హోటల్‌లో ఫిల్టర్ కాఫీ, లస్సీ కలిపి రూ. 620గా ఉంది. ప్రస్తుతం ఈ వీడియో చూసిన నెటిజన్లు వరుసపెట్టి కామెంట్స్‌తో హోరెత్తిస్తున్నారు.

‘రూ. 20 దోశకు ఇంత రేటా..’ అని ఒక నెటిజన్ కామెంట్ చేయగా.. ‘సింగపూర్‌లో కూడా దోశకు ఇంత రేటు ఉండదేమో’ అని మరొకరు.. ‘వెండి కంటే ఈ దోశ ధరే ఎక్కువ అని’ ఇంకొకరు కామెంట్ చేశారు. ఇలా ఒక్కొక్కరు ఒక్కో డైమండ్ లాంటి కామెంట్స్‌తో నెట్టింట దుమ్ములేపారు. కాగా, ఈ వీడియోకు ప్రస్తుతం 2.79 లక్షలకు పైగా లైకులు వచ్చాయి.

View this post on Instagram

A post shared by Chef Don India (@chefdonindia)