ఈ పండు తొక్క ఖరీదు బంగారం కంటే ఎక్కువ..! ఎక్కడ పండిస్తారు.. ప్రయోజనాలు ఏమిటంటే..
ప్రపంచంలో అత్యంత విలువైన వస్తువు ఏది అని అడిగితే చాలా మంది బంగారం అని టక్కున చెప్పేస్తారు. కానీ బంగారంతో పాటు, దాని కంటే ఖరీదైనవి చాలా ఉన్నాయి. ఈ రోజు వస్తువు గురించి ఇక్కడ తెలుసుకుందాం.. దాని గురించి తెలిస్తే.. మీరు ఖచ్చితంగా ఇది బంగారమే అని పిలుస్తారు.
Updated on: Jan 21, 2025 | 9:36 PM
ప్రపంచంలో చాలా విలువైన పండ్లు కూడా ఉన్నాయి. అటువంటి పండ్లలో ఒకటి టాన్జేరిన్. దీనిని చైనాలో కాంటోనీస్ అని పిలుస్తారు. ఈ పండు తొక్క ధర బంగారం కంటే ఎక్కువ విలువైనదని తెలిస్తే మీరు షాక్ అవుతారు.. అవును… ఈ పండు ఎండబెట్టిన తొక్క అత్యంత ఖరీదు ధరకు అమ్ముడవుతోంది. చైనీస్ ఔషధ మొక్కలలో పాత టాన్జేరిన్ తొక్క ఆరోగ్యానికి చాలా ఉపయోగకరంగా ఉంటుంది. ఈ పండు తొక్క అనేక పోషకాలను కలిగి ఉంటుందని అక్కడి ప్రజలు అంటున్నారు. ఇది చాలా ప్రదేశాలలో పండించినప్పటికీ, చైనాలోని గ్వాంగ్డాంగ్ ప్రావిన్స్లోని జియాంగ్మెన్ తూర్పు తీరంలో పండే పంట అత్యంత విలువైనదిగా చెబుతున్నారు.
ఈ పండు తొక్క పొడి ‘చపానీ’ అని పిలుస్తారు. ఇది అంత సులువుగా తయారు కాదు.. ప్రతి శరదృతువు, చలికాలంలో లభించే ఈ పండు తొక్కను సుమారు మూడు సంవత్సరాల పాటు ఎండలో ఎండబెట్టడం వలన చపానీని తయారు చేస్తారు. బెరడు ఎంత పెద్దదైతే అంత ఖరీదుగా విక్రయిస్తారని చెబుతున్నారు. పొడిని ఆరోగ్యంతో పాటు, ఇది ఆహారం, మద్యంలో కూడా ఉపయోగిస్తారు.
ఈ పండు ఖరీదు ఎంతో తెలుసా?
ఈ పండు తొక్క విలువను కూడా నివేదికలో పేర్కొన్నారు. 2023లో ఒక కిలోగ్రాము ఎండిన టాన్జేరిన్ తొక్క హాంకాంగ్లో US$9646కు వేలం వేయబడింది. వారు 2023లో 100 బిలియన్ యువాన్లు (సుమారు $13.8 బిలియన్లు) సంపాదిస్తారని అంచనా.
మరిన్ని ట్రెండింగ్ న్యూస్ కోసం క్లిక్ చేయండి..
