తల్లిపై పోలీసులకు ఫిర్యాదు చేసిన 8 ఏళ్ల కుర్రాడు..! కారణం తెలిస్తే నవ్వకుండా ఉండలేరు..

ఇండియన్‌ పోలీస్‌ ఎమర్జెన్సీ నంబర్‌ 112కు ఒక ఫోన్‌ కాల్‌ వచ్చింది. కాల్‌ లిఫ్ట్‌ చేసి.. హలో ఎవరు? అని ఓ పోలీస్‌ అధికారి అన్నాడు. అవతి వైపు నుంచి వణుకుతున్న గొంతుతో ఓ పిల్లాడు హలో పోలీస్‌ అన్నాడు. దాంతో పాపం.. పిల్లాడికి ఏం ఆపద వచ్చిందో అని ఆ పోలీస్‌ మరింత అలర్ట్‌ అయ్యాడు. చెప్పు బాబు.. ఏమైంది? అని అడగడంతో ఆ పిల్లాడు ఓ బాంబు పేల్చాడు. తన కన్నతల్లిపైనే కంప్లైయిట్‌ ఇచ్చాడు. అది ఎందుకో ఇప్పుడు చూద్దాం..

మధ్యప్రదేశ్‌లోని సింగ్రౌలిలోని చితర్వాయ్ కాలా గ్రామానికి చెందిన 8 ఏళ్ల బాలుడు పోలీసులకు ఫిర్యాదు చేశాడు. తనకు కుర్‌కురే కొనివ్వమని అడిగినందుకు తన తల్లి, అక్క తనను కొట్టారని.. ఆ బాలుడు తన తల్లి మొబైల్ ఫోన్ తీసుకొని పోలీసు అత్యవసర హెల్ప్‌లైన్ నంబర్ 112కు కాల్ చేసి ఏడుపు ప్రారంభించాడు. చిప్స్ ప్యాకెట్ ఇవ్వమని అడిగినందుకు తన తల్లి, అక్క తనను కొట్టారని చెప్పాడు. కుర్కురే ప్యాకెట్ కొనడానికి ఆ బాలుడు తన తల్లిని రూ.20 అడిగాడు. ఆమె దీనికి అంగీకరించలేదు. అతను పట్టుబట్టడంతో, తల్లి, ఆమె కుమార్తె ఆ బాలుడిని కొట్టారు. దీనితో కలత చెందిన బాలుడు ఇండియన్ పోలీస్ ఎమర్జెన్సీ నంబర్ 112 కు ఫోన్ చేశాడు.

ఫిర్యాదు పోలీసులకు చేరింది. అయితే కంప్లైయింట్‌ వచ్చిన సమయంలో పోలీస్‌లు వీడియో తీశారు. అది కాస్త వైరల్ అయింది. ఆ కాల్ వీడియో సోషల్ మీడియాలో వైరల్ అయింది, ఆ కుర్రాడు తన పరిస్థితిని వివరిస్తుండగా పోలీసు అధికారి ప్రశాంతంగా అతనికి భరోసా ఇచ్చినందుకు నెటిజన్లు ప్రశంసలు కురిపించారు. ఆ పోలీసు అధికారి ఆ బాలుడిని ఓదార్చడమే కాకుండా, ఇకపై ఆ బిడ్డను కొట్టవద్దని అతని తల్లికి కూడా చెప్పాడు. ఆ తర్వాత అతను ఆ చిన్నారి ఇంటికి వెళ్లి ఐదు లేదా ఆరు ప్యాకెట్ల కుర్కురే ఇచ్చి ఆశ్చర్యపరిచాడు.

बच्चे ने कुरकुरे की माँग की तो माँ ने कूट दिया। शिकायत पुलिस के पास पहुँची और माँग पूरी हो गई। वायरल वीडियो मध्य प्रदेश के सिंगरौली का है। pic.twitter.com/MqIcRKBB0w

— SANJAY TRIPATHI (@sanjayjourno) October 4, 2025

మరిన్ని ట్రెండింగ్‌ వార్తల కోసం ఇక్కడ క్లిక్‌ చేయండి