Viral Video: మనుషులే కాదు.. అపరిచితులు ఇచ్చే ఆహారం పట్ల జంతువులకు కూడా భయమేనండోయ్..
అదే సమయంలో చాలా మంది వినియోగదారులు తల్లి చేసిన పనిని మెచ్చుకున్నారు, ఈ వీడియోను 'అందమైనది' 'వెరీ స్మార్ట్' అంటూ కామెంట్‌ చేస్తున్నారు.
Updated on: Jan 27, 2023 | 1:16 PM
కోతులు చేసే వింత పనులకు సంబంధించిన అనేక వీడియోలు ఇంటర్నెట్‌లో వైరల్ అవుతుంటాయి. ప్రజలు కూడా అలాంటి వీడియోలను చాలా ఇష్టపడతారు. ఈ రోజుల్లో ఇలాంటి అనేక వీడియోలు ఇంటర్నెట్‌లో వైరల్ అవుతున్నాయి. అలాంటి వాటిల్లో జంతువులు ఏదో ఒక విచిత్రం చేస్తున్నాయని, వాటిని చూసి నెటిజన్లు నవ్వు ఆపుకోలేకపోతుంటారు. అలాంటి వీడియోలు మళ్లీ మళ్లీ చూడాలనుకునేంత అందంగా ఉంటున్నాయి.. తాజాగా అలాంటిదే ఓ వానరం తన బిడ్డతో కలిసి చేసిన వింత పని ఇప్పుడు నెట్టింట వైరల్ అవుతోంది. అపరిచితుల నుండి ఆహార పదార్థాలను తీసుకోవద్దని ఒక కోతి తన బిడ్డకు బోధిస్తూ కనిపించే ఈ వీడియో నెట్టింట వైరల్ అవుతోంది.
జనవరి 22న షేర్ చేయబడిన ఈ వీడియోలో ఒక కోతి తన బిడ్డకు అపరిచితుల నుండి ఆహారం తీసుకోవద్దని బోధిస్తోంది.. ఇదే శీర్షికతో వీడియో ఇంటర్నెట్‌లో వైరల్ అయ్యింది. వీడియో ప్రారంభంలో, ఒక అపరిచితుడు కోతి పిల్లకి ఏదో ఆహారం అందిస్తున్నాడు. ఆ పిల్ల కోతి అతను ఇచ్చే పండు తీసుకోవడానికి ముందుకు దూకింది. కానీ, పిల్లకోతి పండు తీసుకోవడానికి ముందుకు రాగానే, మామిడిపండు తింటున్న ఆ తల్లి కోతి తన బిడ్డను వెనక్కి లాగేసుకుంది. అప్పటికే తల్లి కోతి మామిడిపండు తినడంలో బిజీగా ఉంది. అయినప్పటికీ ఇది గమనించి వెంటనే తన బిడ్డను అజ్ఞాత వ్యక్తి ఇచ్చే పండు తీసుకోకుండా పదేపదే ఆపుతుంది. కోతిపిల్ల మాత్రం అతడు ఇచ్చిన పండ్లను తీసుకోవడానికి ట్రై చేస్తుంది.. కానీ ప్రతిసారీ తల్లి కోతి అడ్డుపడుతుంది. ఈ ప్రయత్నంలో మూడోసారి పండు అందుకోబోతుంది.. అంతలోనే తల్లి కోతి తీవ్ర ఆగ్రహంతో ఊగిపోయింది. కోతిపిల్లకు పండు ఇస్తున్న ఆ వ్యక్తిపైకి గుర్రుగా లేచింది. అది చూస్తే మనకే భయం వేసేంతగా భయపెట్టింది.
It will never learn, you can’t be telling me not to accept strangers food when you are eating all the food and leaving me none. I’m the baby here ???
— Eric Rocker (@_rockerfella) January 23, 2023
— ?o̴g̴ (@Yoda4ever) జనవరి 22, 2023న ఈ వీడియోను అప్‌లోడ్‌ చేయగా, ఇప్పటివరకు 1.4 మిలియన్ సార్లు వీక్షించారు. అదే సమయంలో, ఈ వీడియోపై తీవ్రంగా స్పందిస్తున్నారు నెటిజన్లు. తెలియని వ్యక్తులు పెట్టే ఎలాంటి ఆహారం కూడా తీసుకోకూడదని ఆ తల్లి బిడ్డకు నేర్పుతున్న తీరుకు నెటిజన్లు ఫిదా అవుతున్నారు. అపరిచిత వ్యక్తుల నుంచి తోటి మనుషులే కాదు, జంతువులు కూడా జాగ్రత్తగా ఉండాలని ఈ వీడియో సూచిస్తుందంటూ పలువురు కామెంట్‌ చేస్తున్నారు. అదే సమయంలో చాలా మంది వినియోగదారులు తల్లి చేసిన పనిని మెచ్చుకున్నారు, ఈ వీడియోను ‘అందమైనది’ ‘వెరీ స్మార్ట్’ అంటూ కామెంట్‌ చేస్తున్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..
