Telugu News Trending Mobile theft video was gone viral in social media Telugu Viral News
Video Viral: ఎలా వస్తాయిరా బాబూ ఇలాంటి ఐడియాలు.. దొంగ తెలివికి వావ్ అనాల్సిందే.. కట్ చేస్తే..
ప్రపంచంలో ఇప్పటి వరకు అనేక రకాల దొంగతనాలు (Theft) జరిగాయి. కొన్ని ఇన్సిడెంట్స్ ఫన్నీగా అనిపిస్తే మరికొన్ని మాత్రం ఆశ్చర్యం కలిగిస్తాయి. దొంగలు చోరీ చేసేందుకు చిత్ర విచిత్రమైన మార్గాలను ఎంచుకుంటారు. దొరకవద్దని ముందస్తుగానే ప్లాన్ వేసి..
ప్రపంచంలో ఇప్పటి వరకు అనేక రకాల దొంగతనాలు (Theft) జరిగాయి. కొన్ని ఇన్సిడెంట్స్ ఫన్నీగా అనిపిస్తే మరికొన్ని మాత్రం ఆశ్చర్యం కలిగిస్తాయి. దొంగలు చోరీ చేసేందుకు చిత్ర విచిత్రమైన మార్గాలను ఎంచుకుంటారు. దొరకవద్దని ముందస్తుగానే ప్లాన్ వేసి వస్తువులను కొట్టేస్తుంటారు. సీసీటీవీ నుంచి తప్పించుకుని దొంగతనం చేస్తుంటే, మరికొన్ని సార్లు పట్టపగలు ఎవరూ గమనించని విధంగా దొంగలు చోరీకి పాల్పడుతున్నారు. కానీ ఇలాంటి దొంగతాన్ని మాత్రం మీరు ఎప్పుడూ చూసి ఉండరు. ఈ వీడియో (Video) చూశాక మీరు ఆ దొంగ తెలివిని మెచ్చుకోకుండా ఉండలేరు. ప్రస్తుతం ఈ వీడియో సోషల్ మీడియాలో వైరల్ గా మారింది. ఈ క్లిప్ లో కొంత మంది వాహనదారులు రైల్వే క్రాసింగ్ గేట్ వద్ద వెయిట్ చేస్తూ ఉంటారు. రైలు వచ్చే సమయం కావడంతో గార్డు గేట్ వేశాడు. దీంతో అవతలికి వెళ్లే మార్గం లేక ప్రయాణీకులు బారులు తీరారు. అదే సమయంలో ఓ వ్యక్తి అవతలి వైపు నుంచి నడిచి వస్తుంటాడు. అతను ట్రాక్ దాటి జనాల్లోకి కలిసిపోతాడు. అటూ ఇటూ తిరుగుతూ ఫోన్ మాట్లాడుతున్న వ్యక్తి నుంచి ఫోన్ కొట్టేసి పరారవుతాడు. బాధితుడు తేరుకుని దొంగ కోసం పరిగెత్తగానే రైలు ట్రాక్ పై దూసుకొస్తుంది. దీంతో అతను ఏమీ చేయలేక నిస్సహాయ స్థితిలో ఉండిపోతాడు.
ఈ ఫన్నీ దొంగతనం వీడియో సోషల్ మీడియా ప్లాట్ ఫామ్ ట్విట్టర్లో పోస్ట్ అయింది. ఈ 44 సెకన్ల వీడియోకు ఇప్పటివరకు 1.2 మిలియన్లు అంటే 12 లక్షల వ్యూస్ వచ్చాయి. అంతే కాకుండా 21 వేల మందికి పైగా లైక్ చేశారు. ఈ సంఖ్య ఇంకా పెరుగుతోంది. వీడియో చూసిన నెటిజన్లు వివిధ రకాలుగా కామెంట్లు చేస్తున్నారు. ఈ దొంగ ఆలోచనను ‘మాస్టర్ ప్లాన్’గా అభివర్ణించగా, కొందరు ఈ వీడియోను స్క్రిప్ట్గా వ్యాఖ్యానించారు.
మరిన్ని వైరల్ వీడియోల కోసం ఈ లింక్ క్లిక్ చేయండి..
