Lovers Fighting: బాయ్​ఫ్రెండ్‌తో గొడవ.. ఫుల్లుగా మద్యం సేవించిన యువతి.. కట్ చేస్తే షాకింగ్ సీన్..

Lovers Fighting: ఫోన్‌లో బాయ్‌ఫ్రెండ్‌తో గొడవ పెట్టుకుంది.. ఆపై ఆగ్రహంలో ఫుల్లుగా మద్యం సేవించింది.. ఆ మత్తులో నడిరోడ్డుపైకి వచ్చి వీరంగం సృష్టించింది. కత్తితో తన చేయి కోసుకుని నానా యాగీ చేసింది. ఈ షాకింగ్ ఘటన ఉత్తరాఖండ్‌లోని నైనిటాల్‌లో చోటు చేసుకుంది. ఈ ఘటనకు సంబంధించి అక్కడి పోలీసులు తెలిపిన వివరాలు ఇలా ఉన్నాయి. యూపీలోని లక్నో నగరానికి చెందిన యువతి.. తన మిత్రులతో కలిసి ఉత్తరాఖండ్‌లోని నైనిటాల్ పర్యటనకు వెళ్లింది. అయితే, అక్కడికి వెళ్లాక.. యువతి తన బాయ్ ఫ్రెండ్‌తో ఫోన్ కాల్ మాట్లాడింది. ఆ సందర్భంగా ఏం జరిగిందో తెలియదు కానీ.. ఫోన్‌లోనే ఇద్దరి మధ్య ఘర్షణ జరిగింది. దాంతో తీవ్ర ఆగ్రహానికి గురైన యువతి.. తను బస చేస్తున్న హోటల్‌లోనే ఫుల్లుగా మద్యం సేవించింది. ఆ మద్యం మత్తులోనే బయటకు వచ్చిన యువతి.. నడిరోడ్డు నానా యాగీ చేసింది. పెద్ద పెద్ద కేకలు వేసింది. అనంతరం కత్తి తీసుకుని తన చేయి కోసుకుంది. రక్తం కారుతుండగా.. గమనించిన స్థానికులు యువతిని స్థానిక ఆస్పత్రికి తరలించారు. వైద్యులు చికిత్స అందించారు. ఆమె ఆరోగ్యం బాగానే ఉందని, మణికట్టుకు స్వల్ప గాయమైందని చెప్పారు. చికిత్స అనంతరం డిశ్చార్జ్ చేసినట్లు వెల్లడించారు. కాగా, ఈ ఘటనపై కేసు నమోదు చేసిన పోలీసులు, యువతి వీరంగం చేయడంపై కేసు నమోదు చేశారు.

మరిన్ని జాతీయ వార్తల కోసం ఈ లింక్ క్లిక్ చేయండి..