AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఏపీ DSC 2026లో 2,111 టీచర్ పోస్టులు.. ఏ సబ్జెక్టులో ఎన్ని పోస్టులున్నాయంటే?

ఏపీ డీఎస్సీ-2026 ద్వారా భర్తీ చేయనున్న 2,111 ఉపాధ్యాయ పోస్టుల పూర్తి వివరాలను విద్యాశాఖ వెల్లడించింది. ఇందులో ప్రభుత్వ, జెడ్పీపీ, ఎంపీపీ పాఠశాలల పరిధిలో 1,709 పోస్టులు, మున్సిపాలిటీలు, కార్పొరేషన్ల పరిధిలో 402 పోస్టులు ఉన్నాయి. అత్యధికంగా ఎస్‌జీటీ విభాగంలో 1,205 ఖాళీలు ప్రకటించారు. స్కూల్ అసిస్టెంట్ విభాగంలో హిందీ, సోషల్ స్టడీస్, బయలాజికల్ సైన్స్ తదితర సబ్జెక్టుల్లోనూ పోస్టులు ఉన్నాయి. అభ్యర్థులు సబ్జెక్టుల వారీగా ఖాళీల వివరాలను తెలుసుకోండి..

ఏపీ DSC 2026లో 2,111 టీచర్ పోస్టులు.. ఏ సబ్జెక్టులో ఎన్ని పోస్టులున్నాయంటే?
AP DSC Subject Wise Vacancy Details
Srilakshmi C
|

Updated on: Nov 19, 2026 | 7:31 AM

Share

అమరావతి, నవంబర్ 19: ఆంధ్రప్రదేశ్‌లో ఉపాధ్యాయ ఉద్యోగాల కోసం ఎదురుచూస్తున్న నిరుద్యోగ అభ్యర్థులకు శుభవార్త. ఏపీ డీఎస్సీ-2026 నోటిఫికేషన్‌లో భాగంగా భర్తీ చేయనున్న మొత్తం 2,111 ఉపాధ్యాయ పోస్టుల వివరాలను రాష్ట్ర విద్యాశాఖ వెల్లడించింది. ప్రభుత్వ, జెడ్పీపీ, ఎంపీపీ పాఠశాలలతో పాటు మున్సిపాలిటీలు, కార్పొరేషన్ల పరిధిలో ఈ పోస్టులను భర్తీ చేయనున్నారు. విభాగాల వారీగా ఖాళీల వివరాలను కూడా ప్రకటించింది. విద్యాశాఖ వెల్లడించిన వివరాల ప్రకారం మొత్తం పోస్టుల్లో ప్రభుత్వ, జెడ్పీపీ, ఎంపీపీ పాఠశాలల పరిధిలో 1,709 పోస్టులు ఉన్నాయి. మున్సిపాలిటీలు, కార్పొరేషన్ల పరిధిలో మరో 402 పోస్టులను భర్తీ చేయనున్నారు. విభాగాల వారీగా చూస్తే సెకండరీ గ్రేడ్ టీచర్ (SGT) పోస్టులు అత్యధికంగా ఉన్నాయి. ఈ విభాగంలో మొత్తం 1,205 ఖాళీలను ప్రకటించారు. వీటిలో 1,069 జనరల్ పోస్టులు కాగా, 136 మున్సిపల్ పరిధిలో ఉన్నాయి. స్కూల్ అసిస్టెంట్ విభాగంలో సబ్జెక్టుల వారీగా ఖాళీల వివరాలు ఇలా ఉన్నాయి.

స్కూల్ అసిస్టెంట్ పోస్టుల వివరాలు ఇవే..

  • హిందీ – 202 పోస్టులు
  • సోషల్ స్టడీస్ – 160 పోస్టులు
  • బయలాజికల్ సైన్స్ – 151 పోస్టులు
  • ఫిజికల్ ఎడ్యుకేషన్ – 110 పోస్టులు
  • వివిధ భాషలు (తెలుగు, ఉర్దూ, తమిళం తదితర) – 110 పోస్టులు
  • ఇంగ్లిష్ – 87 పోస్టులు
  • ఫిజికల్ సైన్సెస్ – 45 పోస్టులు
  • గణితం – 41 పోస్టులు

ఏపీ డీఎస్సీ-2026 ద్వారా మొత్తం 2,111 టీచర్ పోస్టులను భర్తీ చేయనుండటంతో ఉపాధ్యాయ ఉద్యోగాల కోసం సిద్ధమవుతున్న అభ్యర్థుల్లో ఆసక్తి నెలకొంది. ముఖ్యంగా ఎస్‌జీటీ విభాగంలో ఎక్కువ ఖాళీలు ఉండటం అభ్యర్థులకు అవకాశంగా మారనుంది. అభ్యర్థులు తమ విద్యార్హతలు, సబ్జెక్టుల ఆధారంగా అందుబాటులో ఉన్న పోస్టులను పరిశీలించి పరీక్షకు సిద్ధం కావాలి. దరఖాస్తుల తేదీలు, అర్హతలు, పరీక్ష విధానం, ఇతర మార్గదర్శకాల కోసం విద్యాశాఖ విడుదల చేసే అధికారిక నోటిఫికేషన్‌ను పరిశీలించాలి.

Follow Us