Viral Video: బుస్సుమంటూ పడగ విప్పిన కింగ్ కోబ్రా.. ‘ఊకో ఊకో’ అంటూ పడగపై ఒక్కటిచ్చిన వ్యక్తి..
Viral Video: ఎలాంటి హానీ తలపెట్టని, విష రహిత పసరిక పామును చూస్తేనే జడుసుకునే వారు ఉన్న ఈ సమాజంలో.. ఒక్క కాటు విషంతో వంద మందిని చంపేయగల..
Updated on: Sep 06, 2022 | 12:36 PM
Viral Video: ఎలాంటి హానీ తలపెట్టని, విష రహిత పసరిక పామును చూస్తేనే జడుసుకునే వారు ఉన్న ఈ సమాజంలో.. ఒక్క కాటు విషంతో వంద మందిని చంపేయగల కింగ్ కోబ్రాను సైతం బుజ్జగించేవారు చాలా మందే ఉన్నారు. ప్రాణాంతకమైన పాములతో స్నేహం చేసేవారు చాలా మందే ఉంటారు. వాటితో ఆడుకోవడం, వాటితో సహజీవనం చేసే వారు కూడా ఉంటారు. ఇందుకు సంబంధించిన వీడియోలు సోషల్ మీడియాలో చాలానే వైరల్ అవుతుంటాయి. తాజాగా అలాంటి షాకింగ్ వీడియో ఒకటి సోషల్ మీడియాను షేక్ చేస్తుంది. కోబ్రాలలో అతిపెద్ద పాము కింగ్ కోబ్రా. ఇది భారీ సైజులో పెరగడంతో పాటు.. దీని విషం అత్యంత ప్రమాదకరమైంది. ఇది కాటు వేస్తే నిమిషాల వ్యవధిలోనే ప్రాణాలు కోల్పోతారు. అందుకే దీని పేరు వింటేనే చాలా మంది హడలిపోతారు. కానీ, కొందరు మాత్రం ఆ పామును పూచికపుల్లతో సమానంగా చూస్తారు. ఎంతలా అంటే.. అది కాటేసేందుకు వచ్చినా, ఏదో ఆట బొమ్మను తీసేసినట్లుగా పక్కకు ఈజీగా తీసేస్తారు.
తాజాగా వైరల్ అవుతున్న వీడియోలో అచ్చం అలాంటి వ్యక్తే ఉన్నాడు. చిన్నపాటి గది మాదిరిగా ఉన్న ప్రాంతంలో వందలాది విషపూరిత పాముల కుప్ప ఉంది. ఇందులో నాగుపాములు, కింగ్ కోబ్రాలు ఉన్నాయి. ఇంతలో ఓ వ్యక్తి బ్యాగు పట్టుకుని పాముల మధ్యలోకి వచ్చాడు. ఏదో పాము కోసం వెతుకుతున్నట్లున్నాడు. అటూ ఇటూ కలియతిరిగాడు. ఇంతలో వెనుక నుంచి ఓ పాము బుసలు కొడుతు పడగ విప్పింది. కాటేసేందుకు ట్రై చేసింది. దాంతో అతనికి కోపం వచ్చింది. ఓవర్ యాక్షన్ చాల్లే అన్నట్లు.. దాని పడగ మీద చేతితో ఒక్కటిచ్చాడు. దెబ్బకు బిత్తరపోయిన పాము.. అక్కడి నుంచి తుర్రుమని జారుకుంది. ఈ పన్నీ, భయానకమైన వీడియో సోషల్ మీడియాలో షేర్ చేయగా.. అదికాస్తా ఇంటర్నెట్ను షేక్ చేస్తోంది. వీడియోను చూసి నెటిజన్లు కాస్త భయం, ఇంకా నవ్వుతో సరదాగా ఆస్వాధిస్తున్నారు. మరి మీరు కూడా ఈ వీడియోపై ఓ లుక్కేసుకోండి.
మరిన్ని ట్రెండింగ్ వార్తల కోసం ఈ లింక్ క్లిక్ చేయండి..
