సింహాలకు గేదె “గుణపాఠం”.. లగెత్తుకుపోయింది “ఆహారం”..!

నలుగైదింటికి సరిపడా ఆహారం ఉంది. అయితే ఏం లాభం.. తెలివి లేకపోతే. అది ఆఫ్రికా ఖండంలోని క్రుగేర్ జాతీయ పార్క్. అందులో ఉన్న సింహాలు బాగా ఆకలితో ఉన్నాయి. అయితే అదే సమయంలో ఓ బర్రెల గుంపు వాటికి కనిపించింది. సామాన్యంగా మృగరాజులను చూడటంతోనే మిగతా జంతువులు ప్రాణరక్షణ కోసం పరిగెడుతాయి. అది సాదారణమైన విషయమే. అయితే ఓ బర్రె మాత్రం ఆ మృగరాజులకు చిక్కింది. ఇంకేముంది ప్రాణాలపై ఆశలు కోల్పోయింది. ఆ బర్రెను నాలుగైదు సింహాలు బంధించాయి. ఇక అక్కడ ఉన్న ఇతర జంతువులు ఇక బర్రె పని అయిపోయిందనుకున్నాయి. అయితే సింహాల్లో లోపించిన ఐకమత్యం ఆ బర్రెకు ప్రాణబిక్ష చేసినట్టైంది. ఆకలితో ఉన్న ఆ సింహాలు.. బర్రెను ఈడ్చుకొచ్చాయి. ఇక భక్షించేందుకు అన్ని గుమిగూడాయి. అదే సమయంలో ఓ రెండు సింహాల మధ్య ఆదిపత్య పోరు చోటుచేసుకుంది.

ఇంకేముంది.. ఆ రెండింటి మధ్యలోకి మిగతా సింహాలు కూడా ఎంటర్ అయ్యాయి. ఇక ఇదే అదనుగా చూసుకున్న అక్కడ ఉన్న బర్రె మెల్లిగా లేచి పారిపోయింది. ఆ తర్వాత సింహాలు కూడా విచ్చలవిడిగా పరుగెత్తాయి. ఈ ఘటనకు సంబంధించిన ఓ వీడియోని ఇండియన్ ఫారెస్ట్ సర్వీసెస్ అధికారి ప్రవీణ్ కశ్వాన్ తన ట్విట్టర్ పేజీలో పోస్టు చేశాడు. ఇప్పుడు ఈ వీడియో సోషల్ మీడియాలో వైరల్ గా మారింది.

These #lions have a lesson to teach. They were having their meal but decided to fight with each other. And food walked away. Credits in video. pic.twitter.com/e7PUaZYWnP

— Parveen Kaswan, IFS (@ParveenKaswan) September 1, 2019