Shocking Video: పైథాన్‌ను మింగేసిన నాగుపాము.. గగుర్పాటుకు గురి చేసే వీడియో.!

పైథాన్ వేటను మీరు చూసే ఉంటారు. క్షణాల్లో చిన్న చిన్న కీటకాల నుంచి పెద్ద జంతువుల వరకు వేటాడి మింగేస్తుంది. అయితే మీరెప్పుడైనా పైథాన్‌ను..

Snake

Updated on: Jun 18, 2021 | 9:02 PM

పైథాన్ వేటను మీరు చూసే ఉంటారు. క్షణాల్లో చిన్న చిన్న కీటకాల నుంచి పెద్ద జంతువుల వరకు వేటాడి మింగేస్తుంది. అయితే మీరెప్పుడైనా పైథాన్‌ను మరో జంతువు వేటాడటం చూశారా.? దీనికి మీరు ఖచ్చితంగా ‘నో’ అనే సమాధానం ఇస్తారు. కానీ తాజాగా ఓ పైథాన్‌ను కింగ్ కోబ్రా అమాంతం మింగేసిన వీడియో ప్రస్తుతం సోషల్ మీడియాలో వైరల్‌గా మారింది.

మీరు జంతువులకు సంబంధించి అనేక వీడియోలు చూసి ఉంటారు. కానీ ఈ వీడియో చూసిన తర్వాత మాత్రం మీరు ఖచ్చితంగా ఒక్క క్షణం షాక్‌కు గురవుతారు. చిన్న పైథాన్‌ను మింగేసిన ఓ కోబ్రా రాళ్ల మధ్యలో దాగి ఉన్నట్లు మీరు వీడియోలో చూడవచ్చు. రెస్క్యూ టీం దాన్ని బయటికి తీసేందుకు ప్రయత్నించినా.. దొరకదు. కానీ చివరికి ఆ నాగుపామును వారు ఎలాగోలా బయటికి తీస్తారు. బయటికి వచ్చిన ఆ పాము అటు.. ఇటూ కదలడానికి ఇబ్బంది పడుతుంది. కొద్దిసేపటికి తన నోటి నుంచి ఆ పైథాన్‌ను బయటికి తీసేస్తుంది. వెంటనే అక్కడి నుంచి జరజరా పాకుతూ వెళ్లిపోతుంది. ఈ వీడియో సోషల్ మీడియాలో వైరల్ కాగా.. నెటిజన్లు దీన్ని చూసి ఒకింత షాక్‌కు గురవుతున్నారు. వరుసపెట్టి కామెంట్స్‌తో హోరెత్తిస్తున్నారు.