Viral Video: నేనంతే.. బుల్లి స్కూటర్పై కాలేజ్కు వెళ్తున్న యువకుడు.. వింతగా చూస్తున్న జనం..
బుల్లి స్కూటర్పై కాలేజ్కు వెళ్తూ.. హైదరాబాద్ నగర వీధుల్లో ఓ యువకుడు అందరినీ ఆకట్టుకున్నాడు. చిన్న పిల్లలు ఆడుకునేలాంటి చిన్ని స్కూటర్పై కాలేజ్కి వెళ్తున్న యువకుడిని చూసి అంతా షాకవుతున్నారు.
Updated on: Jul 25, 2022 | 4:35 PM
Hyderabad Viral Video: నేనంతే.. నా ఇష్టం.. నేను ఇలాంటి పదాలన్నీ సినిమాల పేర్లన్న విషయం తెలిసిందే.. కానీ నిజ జీవితంలో నేనంతే అనేలా ఓ యువకుడు రోడ్లపై రయ్యిరయ్యిన దూసుకెళ్తున్నాడు. బుల్లి స్కూటర్పై కాలేజ్కు వెళ్తూ.. హైదరాబాద్ నగర వీధుల్లో ఓ యువకుడు అందరినీ ఆకట్టుకున్నాడు. చిన్న పిల్లలు ఆడుకునేలాంటి చిన్ని స్కూటర్పై కాలేజ్కి వెళ్తున్న యువకుడిని చూసి అంతా షాకవుతున్నారు. ఈ దృశ్యం చూస్తే ఎవరో పిల్లాడు ఆడుకుంటూ రోడ్డుమీదకు వచ్చేశాడా అనిపిస్తోంది. కానీ అతను తన చిన్న ఈ స్కూటర్పై రోజూ 30 కి.మీ ప్రయాణిస్తూ కళాశాలకు వెళ్తున్నాడు. ప్రస్తుతం ఈ ఘటనకు సంబంధించిన దృశ్యాలు నెట్టింట వైరల్గా మారాయి.
అత్తాపూర్కు చెందిన ఓ యువకుడు ఒక చిన్ని ఈ స్కూటర్ పైన వెళ్తూ మెహదీపట్నం రోడ్డులో అందరినీ ఆశ్చర్యానికి గురిచేశాడు. ఈ చిన్ని స్కూటర్పై ఎక్కడికి వెళ్తున్నావని అతన్ని కొందరు అడిగారు. అందుకు ఆ యువకుడు సమాధానం చెబుతూ.. తాను వెళ్తున్న వాహనం ఒక ఎలక్ట్రిక్ స్కూటర్ అని, దానిని పటాన్చెరులో మాన్యుఫ్యాక్చరింగ్ చేస్తున్నారని చెప్పాడు. 4 గంటలు ఛార్జింగ్ చేస్తే 50 కిలో మీటర్ల వరకూ ప్రయాణించవచ్చని చెబుతున్నాడు. అయితే.. తాను ప్రతిరోజూ అత్తాపూర్ నుంచి పంజాగుట్టకు ఈ చిన్ని స్కూటర్పైనే వస్తుంటానని చెప్పుకొచ్చాడు. దానిపై ప్రయాణం చాలా హాయిగా ఉందని పేర్కొన్నాడు.
వైరల్ వీడియో చూడండి..
ఈ చిన్న వాహనంపై ట్రాఫిక్లో కూడా ఈజీగా వెళ్లిపోగలుగుతున్నానని.. తనకు పెద్దగా ట్రాఫిక్ కష్టాలు ఎదురుకావడం లేదని బదులిచ్చాయి. ఈ విషయం విన్న ప్రయాణికులు ఒక్కసారిగా అవాక్కవుతున్నారు. ఏదైనా నువ్వు సూపర్ భయ్యా అంటూ కామెంట్ చేస్తున్నారు.
