Viral Video: హృదయానికి హత్తుకునే అందమైన దృశ్యం.. నడిరోడ్డుపై జింక ఏం చేస్తుందో చూడండి..
Mother Love: మనిషి అయినా, జంతువు అయినా తల్లి ప్రేమలో వ్యత్యాసమే లేదు. తన పిల్లల కోసం ఎంతటి పరిస్థితినైనా ఎదుర్కొంటుంది. తన పిల్లల రక్షణ కోసం తన ప్రాణాలను
మనిషి అయినా, జంతువు అయినా తల్లి ప్రేమలో వ్యత్యాసమే లేదు. తన పిల్లల కోసం ఎంతటి పరిస్థితినైనా ఎదుర్కొంటుంది. తన పిల్లల రక్షణ కోసం తన ప్రాణాలను సైతం అడ్డుపెడుతుంది. పొరపాటున ప్రమాదంలో ఇరుక్కున్నట్లయితే.. ఏమాత్రం సందేహించకుండా తన బిడ్డకు సహాయం చేసేందుకు ముందుకొస్తుంది తల్లి. అందుకు ఈ లోకంలో తల్లిని మించిన యోధులు మరొకరు లేరని అంటారు. అందుకే నిదర్శనమైన వీడియో ఒకటి నెటిజన్లను విపరీతంగా ఆకట్టుకుంటోంది. అది చూసి నెటిజన్లు ఫిదా అయిపోతున్నారు. అమ్మ ప్రేమ ముందు అన్నీ బలాదూర్ అంటూ ఎమోషనల్ అయిపోతున్నారు.
వైరల్ అవుతున్న ఈ వీడియోలో ఓ అడవి మధ్యలోంచి రోడ్డు మార్గం ఉంది. అయితే, ఓ జింక, దాని పిల్ల రోడ్డును దాటేందుకు ప్రయత్నించాయి. కానీ, పిల్ల జింక రోడ్డు దాటలేక మధ్యలో కూలబడిపోయింది. వీడియో చూస్తే కొద్దిగంటల క్రితమే అది పుట్టినట్లుగా తెలుస్తోంది. అయితే, రోడ్డు మధ్యలో ఆగిపోయిన పిల్ల జింక వద్దకు ఆ తల్లి జింక వచ్చి.. దానిని రోడ్డు దాటించే ప్రయత్నం చేసింది. ‘అరేయ్ పైకి లేచి, రోడ్డు దాటురా’ అని చెబుతున్నట్లుగా దాని టచ్ చేస్తూ.. ముందుకు కదిలించింది. చివరకు ఆ పిల్ల జింక మెల్లగా తన తల్లితో కలిసి రోడ్డు దాటేసింది.
అయితే, తల్లి జింక, పిల్ల జింక రోడ్డు దాటేంత వరకు వాహనదారులు తమ వాహనాలను దూరంగా నిలిపివేశారు. తమ ఫోన్ కెమెరాలతో వీడియో చిత్రీకరించారు. ఆ వీడియోను సోషల్ మీడియా ప్లాట్ఫామ్ ఇన్స్టాగ్రమ్ అకౌంట్లో షేర్ చేశారు. ఈ క్యూట్ వీడియోను చూసి నెటిజన్లు ఫిదా అయిపోతున్నారు. తల్లీ బిడ్డల మధ్య ప్రేమ, బిడ్డ కోసం తల్లి పడిన తపన చూసి నెటిజన్లు భావోద్వేగానికి గురవుతున్నారు. ఈ వీడియోను మీరు కూడా చూసేయండి.
View this post on Instagram
మరిన్ని ట్రెండింగ్ వార్తల కోసం ఈ లింక్ క్లిక్ చేయండి..