Viral Video: పెళ్లిలో ఫన్నీ టాస్క్.. వరుడికి చిర్రెత్తుకొచ్చింది.. కట్ చేస్తే ఫ్యూజులు ఔట్!

సోషల్ మీడియాలో ఫన్నీ వీడియోలు కోకొల్లలు. ప్రతీ రోజూ ఏదొక వీడియో వైరల్ అవుతూనే ఉంటాయి. మ్యారేజ్‌లకు సంబంధించిన వీడియోలు అయితే చెప్పనక్కర్లేదు.. ఈ కంటెంట్‌కు నెటిజన్లు బాగా ఆకర్షితులవుతారు. అందులో కొన్ని మనల్ని కడుపుబ్బా నవ్వేలా చేస్తాయి. ఇక తాజాగా ఆ కోవకు చెందిన ఓ ఫన్నీ వీడియో ప్రస్తుతం నెట్టింట తెగ చక్కర్లు కొడుతోంది. అదేంటో చూసేద్దాం పదండి..

అసలు విషయానికొస్తే.. పెళ్లిలో పూల మాలలతో ఫన్‌ క్రియేట్‌ చేద్దాం అనుకున్న ఓ వ్యక్తికి ఫ్యూజులు ఎగిరిపోయేలా చేశాడు పెళ్లికొడుకు. పెళ్లి తర్వాత నిర్వహించిన రిసెప్షన్‌లో.. నవ వధూవరులు ఇద్దరూ స్టేజ్‌పై నిల్చోని ఉన్నారు. అదే సమయంలో ఓ వ్యక్తి డ్రోన్‌కు రెండు పూల మాలలు కట్టి, గాల్లోకి ఎగరవేశాడు. వధూవరులకు అందకుండా కాస్త ఎత్తులో వాటిని వేలాడదీసి, వాటిని అందుకోమని ఫన్నీ టాస్క్‌ను ఇచ్చాడు. ఇక రెండు మూడుసార్లు గాల్లోకి ఎగిరిన పెళ్లి కొడుక్కి ఆ పూల మాలలు అందలేదు. దీంతో ఒక్కసారిగా చిర్రెత్తిపోయిన వరుడు.. కోపంతో మూడోసారి పైకి ఎగిరి ఆ పూల దండలతో పాటు డ్రోన్‌ కెమెరాను పట్టుకుని నేలకు కొట్టాడు. దీంతో దెబ్బకు ఆ డ్రోన్‌ రెండు ముక్కలు అయింది. అంతే.! ఈ చర్యతో ఒక్కసారిగా అందరూ షాక్‌కు గురయ్యారు. ఇందుకు సంబంధించిన విజువల్స్ ప్రస్తుతం సోషల్ మీడియాలో వైరల్ అవుతున్నాయి.కాగా, ఈ వీడియోపై నెటిజన్లు వరుసపెట్టి కామెంట్స్, లైకులతో హోరెత్తిస్తున్నారు.