Viral: వాటే లక్.. చేపల కోసం వల వేసిన జాలరి.. చిక్కింది చూసి ఆశ్చర్యం
దిఘ మత్స్యకారులకు లక్ కలిసొచ్చింది. ఒక్క రోజులో వారి ఫేట్ మారిపోయింది. వలలో చిక్కిన ఒక్క చేప కాసుల పంట కురిపించింది. ఇంతకీ మత్స్యకారులను అంతగా ఆనందపెట్టిన ఆ చేప ఏంటి... దాని వివరాలు తెలుసుకుందాం పదండి....
వల వేసే ముందు ప్రతిసారి జాలర్లు.. గంగమ్మ తల్లికి మొక్కుకుంటారు. మంచి, మంచి చేపలు చిక్కాలని ఆరాటపడుతూ ఉంటారు. కొన్నిసార్లు విధి సహకరించదు.. ఎప్పుడో ఓ సారి అరుదైన మత్స్య సంపద.. వలల్లో చిక్కి వారికి కాసులు కురిపిస్తుంది. తాజాగా పశ్చిమ బెంగాల్‌లోని దాఘాలో అలాంటి ఓ జాక్ పాట్ తగిలింది. దిఘా ప్రాంతం.. చేపలకు బాగా ప్రసిద్ధి. ఇక్కడి చేపలు దేశంలోని చాలా ప్రాంతాలకు ఎగుమతి అవుతూ ఉంటాయి. ఇక్కడ చాలా మందికి ప్రధాన జీవనాధారం చేపలో వేటే. కొన్నిసార్లు చేపల వేటకు వెళ్లినప్పుడు అరుదైన చేపలు వారికి చిక్కుతుంటాయి. . చేపల వేటకు సమయం అనుకూలించక.. ఇబ్బంది పడుతున్న జాలర్లకు భోలా జాతికి అరుదైన చేప చిక్కి.. లక్షలు కురిపించింది. 18 కిలోల బరువున్న ఈ చేపను వేలంలో రూ.2లక్షల 16వేలకు ఓ వ్యాపారి దక్కించుకున్నాడు. అంటే కిలో 12,000 వేలు పలికినట్లు లెక్క. “ఈ చేప చాలా చిన్నది; అయినప్పటికీ మంచి ధర వచ్చింది” అని దిఘ చేపల వ్యాపారుల సంఘం వైస్ ఛైర్మన్ నవకుమార్ పర్యార్య చెప్పారు.
ఈ చేపలను ఎక్కువగా ఇతర దేశాలకు ఎగుమతి చేస్తారట. ఈ చేపలోని కొన్ని భాగాలను మెడిసిన్ తయారిలో వినియోగిస్తారని స్థానికులు చెబుతున్నారు. యాంటి ఏజింగ్ కోసం వాడే ప్రొడక్స్‌లో కూడా దీన్ని ఉపయోగిస్తారట. అందుకే మార్కెట్‌లో దీనికి అంత డిమాండ్. భోలా చేపలు సముద్రం లోపల ఎక్కువగా సంచరిస్తాయని.. అవి వలలకు చిక్కడం చాలా అరుదని జాలర్లు తెలిపారు. మొత్తంగా ఇంత విలువైన చేప తమకు చిక్కడంతో.. ఆ మత్స్యకారుల ఆనందానికి అవధులు లేకుండా పోయింది.
Bhola Fish
మరిన్ని జాతీయ వార్తల కోసం ఇక్కడ క్లిక్ చేయండి..
