Viral Video: అమ్మ ప్రేమ ఇంటే ఇదే.. ఏనుగు చేసిన పనికి ఫిదా అవుతున్న నెటిజన్లు

తల్లిదండ్రులు తమ పిల్లల క్షేమానికే మొదటి ప్రాధాన్యత ఇస్తారు. మనుషులకే కాదు.. మూగజీవాల విషయంలోనూ ఇది వర్తిస్తుంది. ఒక్కోసారి అమ్మానాన్నల మాటలు పిల్లలు పెడచెవిన పెడుతుంటారు. అయినా పేరెంట్స్ పట్టు వదలరు.

Elephant

Basha Shek |
Updated on: Sep 06, 2022 | 12:11 PM

తల్లిదండ్రులు తమ పిల్లల క్షేమానికే మొదటి ప్రాధాన్యత ఇస్తారు. మనుషులకే కాదు.. మూగజీవాల విషయంలోనూ ఇది వర్తిస్తుంది. ఒక్కోసారి అమ్మానాన్నల మాటలు పిల్లలు పెడచెవిన పెడుతుంటారు. అయినా పేరెంట్స్ పట్టు వదలరు. అది వారికి పిల్లల మీద ఉన్న లవ్‌ అండ్‌ కేరింగ్‌కు నిదర్శనం. ప్రస్తుతం సోషల్ మీడియాలో వైరల్ అవుతున్న వీడియో కూడా ఇదే విషయాన్ని రుజువు చేస్తోంది. ఇందులో ఒక సఫారీ పార్కులో ఏనుగు, దాని పిల్ల రోడ్డు దాటుతున్నాయి. అదే సమయంలో కొందరు టూరిస్టులు ఆమార్గంలో వస్తారు. పిల్ల ఏనుగు వారిని చూస్తుంది. ఉత్సుకతతో పర్యాటకుల దగ్గరకు వెళ్లేందుకు ప్రయత్నిస్తుంది. ఇది గమనించిన తల్లి వెంటనే ‘ఎక్కడికి వెళ్తున్నావ్‌’ అంటూ పిల్ల ఏనుగును ప్రశ్నిస్తుంది. తొండంతో గున్న ఏనుగును వెనక్కు మళ్లించి, దగ్గరకు రావొద్దన్నట్లు టూరిస్టుల వైపు చూసి, పిల్లను వెంటపెట్టుకుని అక్కడి నుంచి వెళ్లిపోయింది.

Buitengebieden అనే పేరుగల ట్విట్టర్‌ యూజర్‌ ఈ వీడియోను షేర్‌ చేయగా.. అది కాస్తా వైరల్‌గా మారింది. పాతదా? కొత్తదా? ఎక్కడ జరిగింది అనేది తెలియదు కానీ ఇప్పటివరకు ఈ వీడియోకు మిలియన్ల కొద్దీ వ్యూస్‌ వచ్చాయి. లక్షలాది లైకులు, కామెంట్లు వచ్చాయి. ఈ వీడియోను చూసిన నెటిజన్లు ఆ ఏనుగు తల్లి ప్రేమకు ముచ్చటపడిపోతున్నారు. పేరెంటింగ్ అంటే ఇదేనంటూ కామెంట్ల వర్షం కురిపిస్తున్నారు.

ఇవి కూడా చదవండి