వార్నీ.. ఏకంగా పెళ్లి కొడుకునే కిడ్నాప్ చేసిన డ్యాన్సర్లు.. విలువైన నగలు, నగదు మాయం..
వివాహ వేదికపై నుండి వరుడు కిడ్నాప్కు గురైన ఉదంతం తీవ్ర కలకలం రేపింది. ఆగ్రహంతో రెచ్చిపోయిన ఇంట్లోకి ప్రవేశించి నగలు, విలువైన వస్తువులను దోచుకున్నారు. అంతటితో ఆగకుండా మండపంలో కూర్చున్న వరుడిని కూడా వదిలిపెట్టకుండా ఎత్తుకెళ్లారు. పెళ్లి కొడుకుని కొట్టి బలవంతంగా కారులో కూర్చోబెట్టి కిడ్నాప్ చేశారు. సమాచారం అందుకున్న పోలీసులు
Updated on: May 25, 2025 | 8:23 PM
సోషల్ మీడియాలో అనేక వీడియోలు వైరల్ అవుతుంటాయి. అందులో పెళ్లికి సంబంధించినవి కూడా అనేకం ఉంటున్నాయి. పెళ్లి సందర్భంగా జరిగే వింత సంఘటనలు, వినూత్న పద్ధతులు, విభిన్న సంప్రదాయాలకు సంబంధించినవి చాలా వీడియోలు మనం చూస్తుంటాము. అయితే, ఇక్కడ కూడా ఓ పెళ్లి వార్త వైరల్ అవుతోంది. ఇందులో వివాహ వేదికపై నుండి వరుడు కిడ్నాప్కు గురైన ఉదంతం తీవ్ర కలకలం రేపింది. కుటుంబ సభ్యులు, బంధువుల ఫిర్యాదు మేరకు పోలీసులు దర్యాప్తు చేపట్టారు. ఘటనకు సంబంధించి పూర్తి వివరాల్లోకి వెళితే..
బీహార్లోని గోపాల్ గంజ్ జిల్లాలో షాకింగ్ ఘటన జరిగింది. పెళ్లి వేడుకలో డ్యాన్స్ చేయడానికి వచ్చిన డ్యాన్సర్లు వరుడిని కిడ్నాప్ చేశారు. ఈ సంఘటన మే 24 శనివారం రాత్రి 2 గంటల ప్రాంతంలో జరిగినట్టుగా తెలిసింది. పెళ్లి ఊరేగింపు సందర్భంగా డ్యాన్స్ చేస్తున్న క్రమంలో పెళ్లింటి వారికి డ్యాన్సర్లకు గొడవ జరిగింది. పరస్పరం దాడి చేసుకున్నారు. ఈ దాడిలో వధువు, ఆమె తల్లితో సహా చాలా మంది మహిళలు గాయపడ్డారు.
ఆగ్రహంతో రెచ్చిపోయిన ఇంట్లోకి ప్రవేశించి నగలు, విలువైన వస్తువులను దోచుకున్నారు. అంతటితో ఆగకుండా మండపంలో కూర్చున్న వరుడిని కూడా వదిలిపెట్టకుండా ఎత్తుకెళ్లారు. పెళ్లి కొడుకుని కొట్టి బలవంతంగా కారులో కూర్చోబెట్టి కిడ్నాప్ చేశారు. సమాచారం అందుకున్న పోలీసులు ఏడు గంటల పాటు వెతికి డ్యాన్సర్ల ఆచూకీ కనిపెట్టారని తెలిసింది.. వాళ్ల నుంచి పెళ్లి కొడుకుని విడిపించారని సమాచారం.
మరిన్ని ట్రెండింగ్ న్యూస్ కోసం క్లిక్ చేయండి..
