Viral Video: నాన్న సంతోషం అంటే ఇది కదా.. కూతురి పెళ్లిలో అదిరిపోయే స్టెప్పులు.. వీడియో చూస్తే అవాక్కే..

పెళ్లిళ్ల సీజన్‌లో సోషల్ మీడియాలో రకరకాల డ్యాన్స్ వీడియోలు కనిపిస్తుంటాయి. కానీ ఇప్పుడు ఒక వీడియో అందరి మనసు గెలుచుకుంది. ఈ వీడియోలో వధువు తండ్రి తన కూతురి పెళ్లిలో చేసిన డ్యాన్స్ చూసి అందరూ ఆశ్చర్యపోయారు. ఇది చాలా సరదాగా.. అదే సమయంలో ఎంతో భావోద్వేగంగా కూడా ఉంది. కూతురుపై ఆ తండ్రికి ఉన్న ప్రేమను ఇది స్పష్టంగా చూపించింది.

మైఖేల్ జాక్సన్ స్టైల్‌లో నాన్న డ్యాన్స్

వీడియోలో నల్ల ప్యాంటు, చొక్కా వేసుకున్న వధువు తండ్రి, చాలా ఉత్సాహంగా కనిపించారు. సంగీతం మొదలైన వెంటనే ఆయన ఏమాత్రం మొహమాటం లేకుండా మైఖేల్ జాక్సన్ తరహా బ్రేక్ డ్యాన్స్ మూమెంట్స్ చేశారు. ఆయన వయస్సు ఎంత ఉన్నా, వేదికపై ఆయన శక్తి, స్టైల్ చూసి అతిథులు అవాక్కయ్యారు. ఆయన అదిరిపోయే స్టెప్స్‌కు చప్పట్లతో ఆ వేడుక దద్దరిల్లిపోయింది. చాలా మంది అతిథులు ఈ అద్భుత క్షణాన్ని తమ ఫోన్లలో రికార్డ్ చేసుకున్నారు.

కూతురి కోసం ప్రత్యేకంగా

ఈ తండ్రి డ్యాన్స్ చూస్తే తన కూతురి కోసం ఈ రోజును ప్రత్యేకంగా మార్చాలని ఆయన ముందుగానే గట్టిగా అనుకున్నట్లు తెలుస్తోంది. ఆయన ముఖంలో కనిపించిన ఆనందం, ఉత్సాహం.. కూతురి పెళ్లి అనేది కేవలం బాధ్యత మాత్రమే కాదు, ఎంతో సంతోషకరమైన సందర్భం అని చెప్పకనే చెప్పింది. ఆయన డ్యాన్స్ కూతురిపై ఉన్న గర్వాన్ని, ప్రేమను చూపించింది. పెరిగి పెద్దయిన కూతురు కొత్త జీవితం మొదలుపెడుతున్నందుకు ప్రతి తండ్రి అనుభవించే గర్వం ఆయనలో కనిపించింది. ఆయన డ్యాన్స్‌లో ఎక్కడా అలసటగానీ, భయం గానీ కనిపించలేదు. ఆయన పాదాలు చాలా సులభంగా కదపడం చూస్తే, కూతురికి సర్‌ప్రైజ్ ఇవ్వడానికి ఆయన చాలా రిహార్సల్ చేసి ఉంటారని అర్థమవుతోంది. ప్రస్తుతం దీనికి సంబంధించిన వీడియో సోషల్ మీడియాలో వైరల్‌గా మారింది.

View this post on Instagram

A post shared by WonderzWork (@wonderzwork)

మరిన్ని ట్రెండింగ్ వార్తల కోసం ఇక్కడ క్లిక్ చేయండి..