Viral Video: పుట్టగానే మీసాలతో రచ్చ చేస్తున్న బుడ్డొడు.. విచిత్ర వీడియో వైరల్..!
సోషల్ మీడియాలో ఒక వింత శిశువు వీడియో విపరీతంగా వైరల్ అవుతోంది. ఈ చిన్నారి ముఖంపై దట్టమైన మీసాలు, గడ్డం ఉండడం అందరినీ తీవ్ర ఆశ్చర్యానికి గురిచేస్తోంది. నెటిజన్లు దీనిని ప్రపంచంలోనే మొదటి వింత సంఘటనగా అభివర్ణిస్తున్నారు. హాస్పిటల్ బెడ్‌పై నీలిరంగు దుప్పటితో చుట్టబడి ఉన్న ఈ చిన్నారి కళ్ళు తెరుస్తూ, నవ్వుతూ నెటిజన్లను ఆకట్టుకుంటున్నాడు. అయితే, నెటిజన్లు ఈ వీడియోపై రకరకాలుగా స్పందిస్తున్నారు. ఈ అరుదైన, విచిత్రమైన వీడియో ప్రస్తుతం ఇంటర్నెట్‌లో హాట్ టాపిక్‌గా మారింది.
Updated on: Oct 25, 2026 | 6:52 AM
సోషల్ మీడియా ప్రపంచంలో రోజూ ఎన్నో వింతలు, విచిత్రాలు వైరల్ అవుతుంటాయి. అయితే తాజాగా ఇంటర్నెట్‌లో చక్కర్లు కొడుతున్న ఒక వీడియో చూసి నెటిజన్లు నోరెళ్లబెడుతున్నారు. సాధారణంగా నవజాత శిశువులు ఎంతో మెత్తటి చర్మంతో, ఎటువంటి వెంట్రుకలు లేకుండా కనిపిస్తారు. కానీ, ఒక ఆసుపత్రిలో అప్పుడే జన్మించిన చిన్నారి ముఖంపై స్పష్టమైన మీసాలు, గడ్డం కనిపించడమే ఇందుకు కారణం.
TikTok యూజర్ @Chevisjunior ద్వారా మొదట షేర్ చేయబడిన ఈ వీడియో, ప్రస్తుతం X, ఇన్‌స్టాగ్రామ్ వంటి అన్ని సోషల్ మీడియా ప్లాట్‌ఫారమ్‌లలో దావానలంలా వ్యాపిస్తోంది. ఈ వీడియోలో ఒక పసిపాప నీలిరంగు హాస్పిటల్ దుప్పటిలో చుట్టబడి బెడ్‌పై పడుకుని ఉంది. ఆ చిన్నారి నల్లటి జుట్టుతో పాటు పెద్ద మీసాలు, గడ్డంతో కనిపించడం విశేషం. చిన్నారి కళ్ళు తెరుస్తూ, గడ్డాన్ని తాకినప్పుడు చిరునవ్వు చిందించడం వీక్షకులను ఎంతగానో ఆకట్టుకుంటోంది.
ఈ వీడియో చూసిన నెటిజన్లు రకరకాలుగా స్పందిస్తున్నారు. ప్రపంచంలోనే మీసాలతో జన్మించిన మొదటి శిశువు ఇదే కావచ్చు అని కొందరు కామెంట్ చేస్తుంటే, మరికొందరు దీనిని ఏఐ సాంకేతికతతో సృష్టించిన నకిలీ వీడియోగా కొట్టిపారేస్తున్నారు. ఈ రోజుల్లో ఏది నిజమో, ఏది ఏఐ సృష్టియో చెప్పడం కష్టంగా మారింది అని ఒక యూజర్ కామెంట్ చేయగా, 34 ఏళ్ల నా మీసాల కంటే ఈ బాబు మీసాలే బాగున్నాయి! అంటూ మరో నెటిజన్ సరదాగా స్పందించాడు.
Baby born with mustache spark reaction online. 😳😳😳😳😳😳😳 @grok is this real or AI?????? https://t.co/LFadLhpHjY
— PANSO QUEEN 🌼🐝 (@Niinameelah) October 23, 2026
ఈ వీడియో ఈక్వడార్, మెక్సికో లేదా భారతదేశంలోని అగర్తలాలో జరిగి ఉండవచ్చని రకరకాల ప్రచారాలు జరుగుతున్నప్పటికీ, దీని ప్రామాణికత, అసలు ప్రాంతం గురించి ఇప్పటివరకు ఎటువంటి అధికారిక ధృవీకరణ లేదు. వైద్య నిపుణుల ప్రకారం కొన్ని అరుదైన పరిస్థితుల్లో జన్యుపరమైన లేదా హార్మోన్ల మార్పుల వల్ల పసిపిల్లలలో ఎక్కువ వెంట్రుకలు పెరిగే అవకాశం ఉన్నప్పటికీ, ఇంత దట్టమైన మీసాలు రావడం అసాధారణం. ఏది ఏమైనా, ఈ మీసాల బాబు వీడియో ప్రస్తుతం ఇంటర్నెట్‌లో విపరీతమైన వ్యూస్ మరియు కామెంట్లతో ట్రెండింగ్‌లో కొనసాగుతోంది.
