Anand Mahindra: ఆడి తమ్ముడు అజిత్‌ను చూశారా..? ఫేక్‌ బ్రాండ్‌ షూస్‌పై ఆనంద్ మహీంద్రా ఫన్నీ పోస్ట్‌
సాధారణంగా ప్రముఖ బ్రాండ్‌లను పోలినట్లు కనిపించే నకిలీ బ్రాండ్‌లు, ఫేక్‌ ఉత్పత్తులు మార్కెట్లో బాగా చలామణీ అవుతూనే ఉంటాయి. ముఖ్యంగా షూస్‌, చెప్పులు, దుస్తుల విషయంలో తరచూ ఇలాంటివి జరుగుతుంటాయి. తాజాగా ఆనంద్ మహీంద్రా షేర్ చేసిన ఫొటో కూడా ఇలాంటిదే.
ప్రముఖ పారిశ్రామికవేత్త ఆనంద్ మహీంద్రా సోషల్ మీడియాలో ముఖ్యంగా ట్విట్టర్‌లో చాలా యాక్టివ్‌గా ఉంటారు. ఆసక్తికరమైన పోస్టులు, వీడియోలు షేర్ చేస్తూ నెటిజన్లను ఆకట్టుకుంటుంటారు. అలాగే మన చుట్టూ ఉండే స్ఫూర్తిదాయక వ్యక్తులను పరిచయం చేస్తుంటాడు. తాజాగా మరోసారి తన చతురతను చాటుకున్నారీ బిజినెస్ టైకూన్‌. ప్రముఖ స్పోర్ట్స్‌ బ్రాండ్‌ అడిడాస్ నకిలీ బ్రాండ్‌కు సంబంధించిన చిత్రాన్ని షేర్ చేసి, తనదైనశైలిలో క్యాప్షన్‌ పెట్టారు. సాధారణంగా ప్రముఖ బ్రాండ్‌లను పోలినట్లు కనిపించే నకిలీ బ్రాండ్‌లు, ఫేక్‌ ఉత్పత్తులు మార్కెట్లో బాగా చలామణీ అవుతూనే ఉంటాయి. ముఖ్యంగా షూస్‌, చెప్పులు, దుస్తుల విషయంలో తరచూ ఇలాంటివి జరుగుతుంటాయి. తాజాగా ఆనంద్ మహీంద్రా షేర్ చేసిన ఫొటో కూడా ఇలాంటిదే. ఇందులో షూని చూడగానే అచ్చం అడిడాస్ సంస్థదే అన్నట్లు ఉంది. ఆ సంస్థ లోగోలో ఉండే మూడు గీతలు కూడా యథావిధిగా కనిపిస్తున్నాయి. అయితే దగ్గరగా గమనిస్తే.. అడిడాస్ స్థానంలో అజిత్‌దాస్‌ అని ఉంది. దీనిని ట్విట్టర్‌లో షేర్ చేసిన ఆనంద్ .. ఇది లాజిక్ ప్రకారం సరైందే. ఆదికి అజిత్‌ అనే సోదరుడు ఉన్నాడేమో. వసుధైక కుటుంబంలో ఏదైనా సాధ్యమే’ అని సరదాగా రాసుకొచ్చారు.
ఈ ఫన్నీ పోస్ట్‌ ప్రస్తుతం సోషల్ మీడియాలో వైరల్‌గా మారింది. నెటిజన్లు తమదైన శైలిలో కామెంట్ల వర్షం కురిపిస్తున్నారు. ‘ఈ అడిడాస్ పేరు గురించి మేం మా కళాశాల రోజుల్లో సరదాగా మాట్లాడుకునే వాళ్లం. ఆది, దాస్ అనే ఇద్దరు భారతీయ సోదరులు.. విదేశాల్లో అడిడాస్‌ను స్థాపించారని మాట్లాడుకునేవాళ్లం’ అని ఒకరు ట్వీట్ చేశారు. అలాగే వారిద్దరూ కుంభమేళాతో తప్పిపోయి ఉంటారేమో అని మరొకరు రాసుకొచ్చారు. కాళిదాసు కూడా వీరి సోదరుడేనేమో అంటూ ఇంకొకరు కామెంట్ పెట్టారు.
Completely logical. It just means that Adi has a brother called Ajit. Vasudhaiva Kutumbakam? ? pic.twitter.com/7W5RMzO2fB
— anand mahindra (@anandmahindra) November 22, 2022
— $€€£ (@deep_befriend) November 22, 2022
మరిన్ని ట్రెండింగ్ వార్తల కోసం క్లిక్ చేయండి..
