Viral Video: సైక్లింగ్‌కు వెళితే ఎదురైన జిరాఫీ.. తర్వాత ఏం జరిగిందో అస్సలు ఊహించరు

సాధారణంగా జూలలో ఉండే జంతువులు మనుషులను పెద్దగా ఏమి అనవు. కొన్ని సందర్భాల్లో అవి కూడా దాడి చేస్తాయి. మరి అలాంటిది అడవిలో ఉండే జంతువులు ఎదురు పడితే.. ఏమైనా ఉందా. వెంటనే దాడి చేస్తాయని అనుకుంటాం కదూ! చాలా వరకు క్రూర మృగాలు, మనిషి కంటే బలంగా ఉన్న జంతువు ఏదైనా దాడి చేస్తుంది.

తనను తాను రక్షించుకోవడానికో, మనుషుల నుంచి తనకు ప్రమాదం ఉందని అనుకొనో… కారణం ఏదైనా జంతువులు మనుషులపై దాడికి దిగుతాయి. అయితే తాజాగా నెట్టింట వైరల్‌ అవుతోన్న ఓ వీడియో చూస్తే మాత్రం దీనికి భిన్నమైన సంఘటన జరిగింది. ఓ యువకుడు, యువతి అటవీ ప్రాంతంలో సైక్లింగ్ చేస్తున్నారు. అయితే అదే సమయంలో వారికి ఎదురుగా ఓ జిరాఫీ ఎదురు పడింది. సాధారణంగా అయితే జిరాఫీ వారిపై దాడి చేస్తుందని అనుకుంటాం కదూ! అయితే దీనికి భిన్నంగా జరిగింది.

అనుకోని అతిథిగా జిరాఫీ ఎదురు పడగానే సైక్లింగ్ చేస్తున్న ఆ వ్యక్తి ఒక్కసారిగా వెనుకడుగు వేశాడు. జిరాఫీ దాడి చేస్తుందేమోనన్న భయంతో వెనక్కి వెళ్దామని చూశాడు. అయితే ఆ జిరాఫీ మాత్రం ఆ యువకుడి దగ్గరకు మెల్లిగా వచ్చింది. అస్సుల ఎలాంటి హాని తలపెట్టకుండా, యువకుడి భుజంపై నెమిరింది. ఆ తర్వాత అక్కడి నుంచి వెళ్లిపోయింది. దీంతో హమ్మయ్య అంటూ ఊపిరి పీల్చుకున్నారు.

వైరల్ వీడియో..

Respect them and they will respect you back ❤️ pic.twitter.com/sqQun8NYQY

— Nature is Amazing ☘️ (@AMAZlNGNATURE) January 16, 2024

ఇదంతా అక్కడే ఉన్న మరో వ్యక్తి ఫోన్‌లో వీడియో చిత్రీకరించారు. ఈ వీడియోను కాస్త సోషల్‌ మీడియాలో పోస్ట్ చేయగానే వీడియో నెట్టింగ తెగ వైరల్‌ అయ్యింది. గంటల్లోనే వేలాది మంది ఈవీడియోను చూశారు. నేచర్‌ ఇజ్‌ అమేజింగ్ అనే ట్విట్టర్‌ అకౌంట్‌లో ఈ వీడియోను పోస్ట్ చేశారు. ‘వాటిని మనం గౌరవిస్తే, అవి మనల్ని గౌరవిస్తాయి’ అనే క్యాప్షన్‌తో పోస్ట్ చేసిన ఈ వీడియోను చూసిన నెటిజన్లు సైతం ఈ మాటకు అంగీకరిస్తున్నారు.

మరిన్ని ట్రెండింగ్ ఆర్టికల్స్ కోసం క్లిక్ చేయండి..