Breaking News
  • కరోనా మహమ్మారి విజృంభణ కొనసాగుతున్న నేపథ్యంలో 7 రాష్ట్రాల ముఖ్యమంత్రులతో భేటీ కానున్నప్రధాని నరేంద్ర మోదీ . ఈ నెల 23న వీడియో కాన్పరెన్స్‌ ద్వారా సీఎంలతో కోవిడ్‌-19 తాజా పరిస్థితుల గురించి చర్చ. ఈ భేటీలో ఢిల్లీ, మహారాష్ట్ర, ఆంధ్రప్రదేశ్‌, ఉత్తరప్రదేశ్‌, పంజాబ్‌ తదితర ఏడు రాష్ట్రాల ముఖ్యమంత్రులు పాల్గొననున్నట్లు సమాచారం
  • శ్రీశైలం లో టెన్షన్: నిన్న మధ్యాహ్నం నాలుగు 15 గంటల సమయంలో దర్శనం కోసం వచ్చిన ఆర్ఎస్ఎస్ కార్యకర్తలు. ఆలయ శుద్ధి కోసం మధ్యాహ్నం 3:30 నుంచి 5 గంటల వరకు ఆలయం మూసివేత. దర్శనం విషయంపై ఆర్ఎస్ఎస్ పోలీసులకు మధ్య వాగ్వాదం. చివరకు చేయి చేసుకునే పరిస్థితి చేరింది.. కార్యకర్తలను పోలీస్ స్టేషన్ కు తరలింపు. కేంద్ర మంత్రి కిషన్ దృష్టికి తీసుకెళ్లిన ఆర్ఎస్ఎస్ కార్యకర్తలు. ఏపీ డీజీపీ కి ఫోన్ చేసిన కిషన్ రెడ్డి. పోలీస్ స్టేషన్ నుంచి తక్షణమే ఆర్ఎస్ఎస్ కార్యకర్తలు విడుదల. నలుగురు సెక్యూరిటీ సిబ్బంది విధుల నుంచి తొలగింపు మరో ముగ్గురు పోలీస్ కానిస్టేబుల్ లో తక్షణమే బదిలీ. విచారణ అధికారిగా ఆత్మకూరు డిఎస్పి వెంకట్రావు. ఇప్పటికే శ్రీశైలం చేరుకున్న డి.ఎస్.పి. ఆర్ఎస్ఎస్ నేతలు కూడా శ్రీశైలం లోనే..... శ్రీశైలం లో కొంత టెన్షన్ వాతావరణం.
  • బిగ్ బి అమితాబ్ బచ్చన్ కి కూకట్పల్లి కోర్ట్ షాక్. అమితాబ్ నటించిన జూండ్ సినిమా పై స్టే విధించిన కూకట్పల్లి కోర్ట్. జూండ్ సినిమా కాపీ రైట్స్ విషయంలో కూకట్పల్లి కోర్ట్ ను ఆశ్రయించిన నంది చిన్ని కుమార్ . ఫుట్బాల్ ప్లేయర్ అఖిలేష్ పౌల్ జీవిత కథ ఆధారంగా తెరకెక్కుతున్న జూండ్ . అఖిలేష్ పౌల్ నుండి కాపీ రైట్స్ తీసుకున్న నంది చిన్ని కుమార్. ఇప్పుడు అమితాబ్ బచ్చన్ ముఖ్య పాత్ర లో నటిస్తున్న జూండ్ కాపీ రైట్స్ తనవి అంటూ కూకట్పల్లి కోర్ట్ ను ఆశ్రయించిన చిన్ని కుమార్. వాదనలు విన్న కూకట్పల్లి కోర్ట్ . సినిమా ను ఓటిటి లో విదుడల కాకుండా స్టే విధింపు.
  • ఏఎన్నార్‌ జయంతి సందర్భంగా ప్రత్యేక వీడియో రిలీజ్‌ చేసిన ఏకే ఎంటర్‌టైన్‌మెంట్స్. అఖిల్‌ కెరీర్‌లో ఐదో సినిమాను నిర్మిస్తున్న ఏకే ఎంటర్‌టైన్ మెంట్స్. సురేందర్‌ రెడ్డి డైరక్షన్‌ చేస్తున్న సినిమా ఇది . తాతగారు ఎప్పుడూ దేవుడిని నమ్మే వారు కాదన్న అఖిల్‌. ఆయన అభిమానుల్లో దేవుడిని చూసుకునేవారన్న అఖిల్‌.
  • . భారత్ లో విజృంభిస్తున్న “కరోనా” వైరస్. . 54 లక్షలు దాటిన కరోనా పాజిటివ్ కేసుల సంఖ్య . గడచిన 24 గంటలలో అత్యధికంగా రికార్డ్ స్థాయిలో 92,605 కరోనా పాజిటివ్ కేసులు నమోదు. • గడచిన 24 గంటలలో దేశంలో “కరోనా” వల్ల మొత్తం 1133 మంది మృతి . గడచిన 24 గంటలలో దేశ వ్యాప్తంగా డిశ్ఛార్జ్ అయిన వారి సంఖ్య 94,612 • దేశంలో ఇప్పటివరకు నమోదయిన “కరోనా” పాజిటివ్ కేసుల సంఖ్య 54,00,620 • దేశ వ్యాప్తంగా యాక్టీవ్ కేసులు 10,10,824 • “కరోనా” కు చికిత్స పొంది డిశ్చార్జ్ అయిన వారి సంఖ్య 43,03,043 • “కరోనా” వల్ల దేశంలో మొత్తం మృతి చెందిన వారి సంఖ్య 86,752 . దేశంలో 79.28 శాతం కరోనా రోగుల రికవరీ రేటు . దేశంలో నమోదయిన మొత్తం కేసులలో యాక్టివ్ కేసుల శాతం 19.10 శాతం . దేశంలో మొత్తం నమోదయిన కేసులలో 1.61 శాతానికి తగ్గిన మరణాల రేటు . దేశ వ్యాప్తంగా గడచిన 24 గంటలలో 12,06,806 కరోనా వైరస్ నిర్దారణ పరీక్షలు . దేశంలో ఇప్పటి వరకు 6,36,61,060 కరోనా వైరస్ నిర్దారణ పరీక్షలు
  • రెండు వ్యవసాయ బిల్లులు చారిత్రాత్మకమైనవి. రైతుల జీవితాల్లో మార్పు తెస్తాయి. రైతులు తమ ఉత్పత్తులను దేశంలో ఎక్కడైనా స్వేచ్ఛగా అమ్ముకోవచ్. వ్యవసాయ బిల్లులు కనీస మద్దతు ధరతో సంబంధం లేదని రైతులకు భరోసా ఇస్తున్నా. నరేంద్రసింగ్ తోమర్, కేంద్ర వ్యవసాయ మంత్రి.

రాహుల్ దిగిపోయింది అందుకేనా..?

reason behind rahulgandhi stepdown, రాహుల్ దిగిపోయింది అందుకేనా..?

కాంగ్రెస్ పార్టీ సారథ్య బాధ్యతల నుంచి రాహుల్ గాంధీ వైదొలగడంపై అఖిల భారత జాతీయ కాంగ్రెస్ పార్టీలో పెద్ద ఎత్తున చర్చ జరుగుతోంది. పైకి గుంభనంగా కనిపిస్తున్నప్పటికీ ఏఐసీసీలో సీనియర్లు నాలుగు నెలల క్రితం జరిగిన సార్వత్రిక ఎన్నికల్లో పార్టీ ఘోర పరాజయానికి కారణాలపై పరిశోధనాత్మక ఆత్మావలోకనం చేసుకుంటున్నారు. సల్మాన్ ఖుర్షీద్ వంటి సీనియర్ నేతలు తమదైన శైలిలో ఓటమిని విశ్లేషిస్తున్నారు. అడపాదడపా ఖుర్షీద్ లాంటి వారు చేస్తున్న కామెంట్లు పార్టీలో జరుగుతున్న లోతైన ఆత్మావలోకన తాలూకు అంశాలపై ఊహాగానాలకు తెరలేపుతున్నాయి.

నిజానికి ఎన్నికల ప్రచారం సమయంలో సీనియర్ల సలహాలను రాహుల్ గాంధీ బేఖాతరు చేసి, తాను, తన సొంత థింక్ ట్యాంక్ వ్యూహాలను మాత్రమే ఫాలో అవడం వల్లనే కాంగ్రెస్ పార్టీ 2014 నాటి ఎన్నికల ఫలితాలనే 2019లోను పొందినట్లు కాంగ్రెస్ పార్టీ పెద్దల్లో చాలా మంది విశ్వసిస్తున్నారు. ఈ విషయం గ్రహించడం వల్లనే ఎన్నికల ఫలితాలు వెలువడగానే రాహుల్ గాంధీ తాను అధ్యక్ష బాధ్యతల నుంచి తప్పుకోవడం కూడా వ్యూహాత్మకమేనని పరిశీలకులు అంటున్నారు. ఎందుకంటే.. ఎన్నికల ప్రచార సమయంలో సీనియర్ల సలహాలను పెడచెవిన పెట్టిన విషయం ఫలితాల వెల్లడి తర్వాత జరిగే సమీక్షల్లో వెలుగులోకి వచ్చి, సమీక్షా సమావేశాల్లో తనపైనే నెపం మోపే అవకాశం వుందన్న కారణంతోనే రాహుల్ గాంధీ వ్యూహాత్మకంగా చర్చ జరగడానికి ముందే పదవి నుంచి తప్పుకుని సీనియర్లకు షాకిచ్చినట్లు విశ్లేషణలు వినిపిస్తున్నాయి.reason behind rahulgandhi stepdown, రాహుల్ దిగిపోయింది అందుకేనా..?

2014 ఎన్నికల తర్వాత సోనియా గాంధీ.. సీనియర్ నేత ఏకే ఆంటొనీ సారథ్యంలో ఓ కమిటీ వేసి, సమీక్షకు ఆదేశించారు. ఆయనిచ్చిన నివేదిక ప్రచారం 2019 ఎన్నికల స్ట్రాటెజీని ఖరారు చేయాలని భావించారు. అయితే.. ఎన్నికలకు చాలా ముందుగానే పార్టీ సారథ్య బాధ్యతలు చేపట్టిన రాహుల్ గాంధీ సీనియర్ల మాటలు పక్కన పెట్టి.. తన సొంత థింక్ ట్యాంక్ పైనే ఎక్కువగా ఆధార పడ్డారు. నోట్ల రద్దు, అనంతర ఆర్థిక పరిస్థితులు, జీఎస్టీతో పడిన ఇబ్బందులు, దేశవ్యాప్తంగా సంక్షోభంలో పడిన వ్యవసాయ రంగం, పెరుగుతున్న రైతుల ఆత్మహత్యలు, సామాజిక అణచివేతలు, మూక దాడులు, నిరుద్యోగం వంటి అంశాలను ఎన్నికల ప్రచారంలో ఎక్కువగా వినియోగించుకోవాలని పార్టీ సీనియర్లు చేసిన సూచనలను రాహుల్ గాంధీ బేఖాతరు చేయడమే కాకుండా.. పెద్దగా ఆధారాలు లేకుండా రాఫెల్ డీల్ ఆధారంగా ప్రధాని మోదీ లక్ష్యంగా ప్రచారం  చేయడం ఎన్నికల్లో బెడిసి కొట్టిందని పార్టీ సీనియర్లు అభిప్రాయపడుతున్నారు.

నిజానికి పైన పేర్కొన్న అంశాలతోపాటు రాఫెల్ ను ఒక సాధారణ అంశంగానే ప్రచారంలో ప్రస్తావించాలని కాంగ్రెస్ పెద్దలు రాహుల్ గాంధీకి సూచించగా.. రాహుల్ గాంధీ మాత్రం 80వ దశకంలో దేశాన్ని కుదిపేసిన బోఫోర్స్ కుంభకోణం తరహాలో రాఫెల్ డీల్ ని భావించడం పెద్ద తప్పని సీనియర్లు అభిప్రాయపడుతున్నారు. బోఫోర్స్ కుంభకోణం అంతగా ప్రభావం చూపి, రాజీవ్ గాంధీ ఓటమికి కారణమైందంటే దానికి కారణం విపి సింగ్ లాంటి సొంత పార్టీ సీనియర్ నేతే దాన్ని వెలుగులోకి తీసుకురావడం పెద్ద విషయంగా ప్రజలు భావించారు. విపిసింగ్ పార్టీలో తిరుగుబాటు బావుటా ఎగుర వేసి బోఫోర్స్ కుంభకోణాన్ని వెలుగులోకి తేవడం అప్పట్లో రాజీవ్ గాంధీకి విఘాతంగా మారింది. కానీ ఇప్పుడు రాఫెల్ డీల్ విషయంలో కేవలం బిజెపి సీనియర్ నేతలే కాదు.. ఎన్డీయేలోకి అన్ని పక్షాలు నరేంద్ర మోదీకి అండగా నిలబడ్డాయి. దానికి తోడు మోదీకి వ్యతిరేకంగా ఎలాంటి ఆధారాలను రాహుల్ గాంధీ ప్రజల ముందుంచలేకపోయారు. దాంతో రాహల్ గాంధీ చేసిన చౌకీ దార్ చోర్ హై నినాదాన్ని ప్రజలు విశ్వసించకపోవడంతో ఎన్నికల్లో పార్టీకి ఎదురు దెబ్బ తగిలింది.reason behind rahulgandhi stepdown, రాహుల్ దిగిపోయింది అందుకేనా..?

అదే సమయంలో బాలాకోట్ దాడుల తర్వాత దేశవ్యాప్తంగా వెల్లువెత్తిన జాతీయతా భావాన్ని మోదీ, అమిత్ షా ద్వయం సక్సెస్ ఫుల్ గా తమకు అనుకూలంగా మలచుకోగలిగింది. దాంతో స్వత్రంత్య భారత చరిత్రలో తొలిసారి కాంగ్రెసేతర పార్టీ బంపర్ మెజారిటీతో రెండోసారి కేంద్రంలో ప్రభుత్వాన్ని ఏర్పాటు చేయగలిగింది. అదేసమయంలో పనికిరాని మాటలతో హోరెత్తించే నవ్ జ్యోత్ సింగ్ సిద్దూ, శామ్ పిట్రోడా లాంటి వారిని పార్టీ స్టార్ క్యాంపెయినర్లుగా ప్రమోట్  చేయడం కూడా బిజెపి విజయానికి బోనస్ ఓట్లను అందించిందని కాంగ్రెస్ పార్టీ సీనియర్లు భావిస్తున్నట్లు సమాచారం.

మొత్తానికి ఎన్నికల ప్రచారంలో ఒంటెద్దు పోకడలను ప్రదర్శించినందువల్ల.. ఆ తర్వాత జరిగే పోస్ట్ మార్టమ్ లో తననే అందరూ టార్గెట్ చేసే అవకాశాలున్నాయని భావించిన రాహుల్ గాంధీ వ్యూహాత్మకంగా ముందే అధ్యక్ష బాధ్యతల నుంచి వైదొలిగి సీనియర్లే తనను బతిమాలేలా చేసుకున్నారని ఏఐసీసీ ఇన్నర్ సర్కిల్లో జోరుగా చర్చ జరుగుతోంది. దానికి సల్మాన్ ఖుర్షీద్ లాంటి వారు చేస్తున్న కామెంట్లు బలాన్నిస్తున్నాయి.reason behind rahulgandhi stepdown, రాహుల్ దిగిపోయింది అందుకేనా..?

Related Tags