Telugu News Telangana South central railway Creates new History In Freight Loading Telugu Business News
Indian Railways: సరకు రవాణాలో దక్షిణ మధ్య రైల్వే సరికొత్త చరిత్ర.. రికార్డు స్థాయిలో ఆదాయం.
దక్షిణ మధ్య రైల్వే ఆదాయ ఆర్జనలో సరికొత్త చరిత్రను సృష్టించింది. 2023 ఏడాదికి గాను సరుకు రవాణాలో రికార్డు స్థాయిలో ఆదాయాన్ని ఆర్జించింది. ఈ క్రమంలో ఏకంగా రూ. 12 వేలకిపైగా కోట్ల ఆదాయాన్ని సాధించింది..
దక్షిణ మధ్య రైల్వే సరికొత్త చరిత్రను సృష్టించింది. 2018-19 ఆర్థిక సంవత్సరంలో సాధించిన 122.498 మిలియన్ టన్నుల లోడింగ్‌ను అధిగమించి 8 మార్చి 2023 నాటికి 122.628 మిలియన్ టన్నుల అత్యుత్తమ సరుకు రవాణాను సాధించింది. జోన్ ప్రారంభమైనప్పటి నుంచి సరకు రవాణాలో అత్యుత్తమ సరుకు రవాణా ఆదాయం చేరుకొని , తద్వారా రూ. 12 ,016 కోట్ల ఆదాయాన్ని ఆర్జించింది.
1 / 6
దక్షిణ మధ్య రైల్వే సరుకు రవాణాలో మెరుగైన పనితీరు వల్ల వృద్ధిపథం వైపు పురోగమిస్తోంది. 2018-19 ఆర్థిక సంవత్సరంలో జోన్ సాధించిన అత్యుత్తమ సరుకు రవాణా లోడింగ్‌ను 8 మార్చి 2023 నాటికి అధిగమించింది. 2018-19 ఏడాదిలో నమోదైన 122.498 మిలియన్ టన్నులను సరకు రవాణాను అధిగమించి 122.628 మిలియన్ టన్నుల సరుకు రవాణాను సాధించడం ద్వారా దక్షిణ మధ్య రైల్వే ఒక నూతన శిఖరాన్ని అధిరోహించింది .
2 / 6
ప్రస్తుత ఆర్థిక సంవత్సరంలో, సరకు రవాణాలో వినూత్న ( టారీఫ్, నాన్ టారిఫ్ పరంగా ) చర్యల ద్వారా వినియోగదారుల అవసరాలను తీర్చడానికి కృషి చేస్తోంది. సరుకు రవాణాను సులభంగా, వేగవంతంగా చేయడానికి సరకు రవాణా టెర్మినల్స్‌పై కూడా ప్రత్యేక దృష్టి సారిస్తున్నారు. దీనితో పాటు సరకు రవాణా సజావుగా సాగేందుకు ముఖ్యమైన గూడ్స్ షెడ్‌ల వద్ద మెరుగైన స్థాయిలో మౌలిక సదుపాయాలను కల్పించేందుకు పనులు చురుగ్గా కొనసాగుతున్నాయి .
3 / 6
గతేడాది ఇదే కాలంతో పోలిస్తే ప్రస్తుత సంవత్సరం సరుకు రవాణా 12% అధికం. వస్తువుల రవాణా పరంగా, బొగ్గు మొత్తం లోడింగ్‌కు 62.195 మిలియన్ టన్నులు అందించడం ద్వారా అతిపెద్ద విభాగంగా కొనసాగుతోంది. దీని తర్వాత 31 .883మిలియన్ టన్నుల సిమెంట్‌ లోడ్‌ అవుతోంది.
4 / 6
దక్షిణ మధ్య రైల్వే సరుకు రవాణా విభాగంలో - లోడింగ్, రాబడి రెండింటి పరంగా అత్యుత్తమ పనితీరును సాధించినందుకు సిబ్బంది చేసిన కృషిని దక్షిణ మధ్య రైల్వే జనరల్ మేనేజర్ శ్రీ అరుణ్ కుమార్ జైన్ గారు ఎంతగానో అభినందించారు.
5 / 6
ఈ అత్యుత్తమ మైలురాయిని సాధించినందుకు ప్రిన్సిపల్ చీఫ్ ఆపరేషన్స్ మేనేజర్ శ్రీ ఆర్. ధనంజేయులు, ప్రిన్సిపల్ చీఫ్ కమర్షియల్ మేనేజర్ శ్రీ జి. జాన్ ప్రసాద్, సిబ్బందిని ప్రశంసించారు . రైల్వేల వైపు కొత్త సరకు రవాణాను ఆకర్షించేందుకు ఇదే పంథాను కొనసాగించాలని ఆయన బృందానికి సూచించారు.
