Hyderabad: మద్యం తాగించి ఆపై.. నమ్మి వచ్చిన చిన్ననాటి స్నేహితురాలిపై..

హైదరాబాద్‌లో దారుణం జరిగింది. నమ్మి వచ్చిన చిన్ననాటి స్నేహితురాలిపైనే లైంగిక దాడికి పాల్పడ్డాడు ఓ ప్రబుద్ధుడు. అలాగే మరో స్నేహితుడితో కలిసి కూడా దాడి చేశాడు. ఈ హేహమైన ఘటన వనస్థలిపురం పోలీస్ స్టేషన్‌ పరిధిలో జరిగింది. వివరాల్లోకి వెళితే.. హయత్‌నగర్‌కు చెందిన ఓ యువతికి ఇటీవలే సాఫ్ట్‌వేర్‌ ఉద్యోగం వచ్చింది. ల

దీంతో చిన్ననాటి స్నేహితుడు గౌతంరెడ్డికి పార్టీ ఇవ్వడానికి ఆహ్వానించింది. వీరిద్దరూ పాఠశాల స్నేహితులు కావడంతో ఆ స్నేహంతోనే పార్టీకి పిలిచింది. దీంతో సోమవారం రాత్రి వీరిద్దరూ కలిసి వనస్థలిపురం పోలీస్‌స్టేషన్‌ పరిధిలోని ఓంకార్‌ నగర్‌ కాలనీలోని బొమ్మరిల్లు బార్‌ అండ్‌ రెస్టారెంట్‌కు వెళ్లారు. అక్కడ ఇద్దరూ మద్యం సేవించి, భోజనం చేశారు.

అయితే ఆ తర్వాత అదే రెస్టారెంట్‌లో గౌతంరెడ్డి గదిని అద్దెకు తీసుకొని యువతిని గదికి తీసుకెళ్లాడు. మద్యం మత్తులో ఉన్న యువతిపై లైంగిక దాడికి పాల్పడ్డాడు. అనంతరం తన స్నేహితుడిని కూడా గదికి పిలిపించుకొని ఇద్దరు కలిసి యువతిపై దాడికి పాల్పడ్డారు. అయితే మద్యం మత్తునుంచి తేరుకున్న యువతి తనపై లైంగిక దాడి జరింగిందన్న విషయం అర్థమై గట్టిగా కేకలు వేసింది.

దీంతో కంగారు పడ్డ ఇద్దరు యువకులు అక్కడి నుంచి పారిపోయారు. ఆ తర్వాత యువతి జరిగిన విషయాన్ని రెస్టారెంట్ యాజమాన్యానికి వివరించగా.. ఆమె స్నేహితులకు సమాచారం అందించారు. రెస్టారెంట్‌కు చేరుకున్న యువతి స్నేహితలు.. తనను తీసుకెళ్లి వనస్థలిపురం పోలీసులకు ఫిర్యాదు చేశారు. దీంతో పోలీసులు అత్యాచారం, ఎస్సీ, ఎస్టీ కేసు నమోదు చేసి ప్రధాన నిందితుడు గౌతంరెడ్డిని అదుపులోకి తీసుకున్నారు. ఇక మరో నిందితుడి కోసం వెతుకుతున్నారు. ఇందుకోసం ప్రత్యేక బృందాలను ఏర్పాటు చేసినట్లు ఏసీపీ కాశిరెడ్డి తెలిపారు.

మరిన్ని హైదరాబాద్ వార్తల కోసం క్లిక్ చేయండి..