TS Congress: రణ రంగంగా మారిన ఉస్మానియా.. రాహుల్ పర్యటనకు అనుమతి ఇవ్వాలంటూ ఆందోళన..

ఉస్మానియా రణ రంగంగా మారింది. రాహుల్ పర్యటనకు అనుమతి ఇవ్వాలంటూ కాంగ్రెస్(Congress) విద్యార్థి విభాగం ఎన్‌ఎస్‌యూఐ (NSUI) కార్యకర్తలు తీవ్ర ఆందోళన వ్యక్తం చేస్తోంది. ఓయూ అడ్మినిస్ట్రేటివ్‌ బ్లాక్‌ దగ్గర ఉద్రిక్తత చోటుచేసుకుంది. ఓయూ అడ్మినిస్ట్రేషన్‌ భవనాన్ని విద్యార్ధులు ధ్వంసం చేశారు. అద్దాలు పగులకొట్టి ఎన్‌ఎస్‌యూఐ నేతలు లోపలకు వెళ్లారు. వీసీ వైఖరికి నిరసనగా గాజులు, చీరలు పెట్టారు. ఓయూ ముట్టడికి ఎన్‌ఎస్‌యూఐ యత్నించిన ఆందోళనకారులను అదుపు చేసేందుకు పోలీసులు తీవ్రంగా ప్రయత్నించాల్సి వచ్చింది. ఉదయం మినిస్టర్స్‌ క్వార్టర్స్‌ ముట్టడికి యత్నించిన కాంగ్రెస్‌ నేతలను పోలీసులు అరెస్ట్ చేసి బంజారాహిల్స్‌ పీఎస్‌కు తరలించారు. నాయకుల పరామర్శకు పీఎస్‌కు వెళ్లిన జగ్గారెడ్డిని పోలీసులు అదుపులోకి తీసుకున్నారు.

ఓయూలో రాహుల్ సభ నిర్వహణపై కండీషన్స్‌ అప్లయ్ అంటోంది టీఆర్‌ఎస్‌. అమరవీరుల కుటుంబాలకు క్షమాపణలు చెప్పాకే క్యాంపస్‌లో అడుగుపెట్టాలని అల్టిమేటమ్‌ ఇచ్చింది. రాష్ట్రం ఇచ్చిన రాహుల్ వస్తే అడ్డుకోవడమేంటని తెలంగాణ కాంగ్రెస్‌ కౌంటర్‌ ఎటాక్‌కి దిగుతోంది. ఫైనల్‌గా ఒకే ఒక్క టూర్‌ రెండు పార్టీల మధ్య వార్‌గా మారిపోయింది.

తెలంగాణ ఇచ్చిన పార్టీ కాంగ్రెస్‌. అలాంటిది రాహుల్‌ను రావొద్దంటే ఎలా అని ప్రశ్నించారు కాంగ్రెస్ సీనియర్ నేత వి.హన్మంతరావు. ఇలాంటి వాతావరణం సృష్టించడం సరికాదన్నారు. రైఫిల్ రెడ్డి పిలవగానే రాహుల్‌ రావడం విడ్డూరంగా ఉందన్నారు టీఆర్‌ఎస్ ఎమ్మెల్యే గువ్వల బాలరాజు.

రాహుల్ సభ పొలిటికల్ ప్రకంపనలు పుట్టిస్తోంది. అటు క్యాంపస్‌లోనూ సేమ్ సిట్యువేషన్‌ కనిపిస్తోంది. గతంలో జరగని రాజకీయ సభలు ఇప్పుడెందుకని ప్రశ్నిస్తున్నారు టీఆర్‌ఎస్‌వీ నేతలు. రాహుల్‌ సభకు అనుమతివ్వకుంటే ప్రగతిభవన్‌తో పాటు మంత్రుల నివాసాలను ముట్టడిస్తామని నిరుద్యోగ జేఏసీ హెచ్చరించింది.

ఇవి కూడా చదవండి: Telangana: పోలీసు ఉద్యోగ అభ్యర్థులు అలర్ట్‌.. తస్మాత్‌ జాగ్రత్త.. టీఎస్‌ఎల్‌పీఆర్‌బీ పేరుతో నకిలీ వెబ్‌సైట్లు

Manjima Mohan: మంజిమాపై బాడీ షేమింగ్‌ కామెంట్లు.. తనదైన శైలిలో సమాధానమిచ్చిన మలయాళ ముద్దుగుమ్మ..