Double Bedroom Houses : నెరవేరుతున్న హైదరాబాదీల సొంతింటి కల.. డబుల్​ బెడ్​రూం ఇళ్ల పంపిణీకి సర్వం సిద్ధం..

Double Bedroom Houses : నిరుపేదల సొంతిటి కలను తెలంగాణ ప్రభుత్వం నెరవేర్చుతోంది. హైదరాబాద్ మహానగర పరిధిలో సుమారు 20 కోట్ల వ్యయంతో నిర్మించిన 264 డబుల్ బెడ్‌ రూం ఇళ్లను రాష్ట్ర మంత్రులు ఇవాళ ప్రారంభించనున్నారు. గాంధీనగర్‌లో 15.50కోట్ల వ్యయంతో జీ ప్లస్ 3 అంతస్తుల్లో 200 ఫ్లాట్లను నిర్మించింది. ఇందులో రెండు పడక గదుల ఇళ్ల నిర్మాణాలు చేపట్టారు.

సికింద్రాబాద్ కంటోన్మెంట్ సాయిరాంనగర్​లో రూ.4.96 కోట్ల వ్యయంతో జి+3 అంతస్తుల్లో 64 డబుల్ బెడ్ రూం ఇళ్లను జీహెచ్ఎంసీ విజయవంతంగా పూర్తి చేసింది. ఈ ఇళ్లను రాష్ట్ర పశుసంవర్ధక శాఖ మంత్రి తలసాని శ్రీనివాస్​ యాదవ్, కార్మిక శాఖ మంత్రి మల్లారెడ్డి, డిప్యూటీ స్పీకర్ పద్మారావు కలిసి ప్రారంభించనున్నారు.

ఈ డబుల్ బెడ్ రూంలోఅన్ని రకాల వసతులను ఏర్పాటు చేసింది. 560 చదరపు అడుగుల విస్తీర్ణంలో నిర్మించిన ఈ డబుల్ బెడ్​రూం ఇళ్లలో ఒక లీవింగ్ రూమ్, రెండు బెడ్ రూమ్​లు, ఒక కిచెన్ రూమ్, రెండు టాయిలెట్లు ఏర్పాటు చేసింది. ఒక్కొక్కటి రూ.7.75 లక్షల వ్యయంతో నిర్మించింది. ఈ డబుల్ బెడ్ రూంలను లబ్ధిదారులకు ఉచితంగా అందిస్తోంది.

ఈ ఇళ్ల కాలనీలో మౌలిక సదుపాయాలైన తాగునీరు, విద్యుత్ సరఫరా, అండర్ గ్రౌండ్ డ్రైనేజి, లిఫ్ట్ సౌకర్యం, ఫైర్ సేఫ్టీ, సీసీ రోడ్లు, వీధి దీపాల సౌకర్యాలను కూడా ఏర్పాటు చేసింది. గతంలో పూర్తిగా మురికివాడలుగా ఉన్న గాంధీనగర్, సాయిరాం నగర్​లలో డబుల్ బెడ్ రూం ఇళ్ల నిర్మాణం చేపట్టడం వల్ల ఇక్కడి స్థానికులు ఉన్నత ప్రమాణాలతో కలిగిన గృహాల్లో నివసించనున్నారు.

ఇవి కూడా చదవండి : 

ఏపీ పంచాయతీ పోరుః ఎన్నికల్లో పోటీ చేయాలనుకుంటున్నారా..? అయితే ఈ నిబంధనలు తప్పనిసరి..! Master Movie : నష్టాలను భర్తీ చేయాలని కోరుతున్న ‘మాస్టర్’ మూవీ డిస్టిబ్యూటర్లు.. నిర్మాతలు ఏమంటున్నారంటే