Hyderabad: హైదరాబాద్లో మళ్లీ రియల్ భూమ్.. రాయదుర్గంలో ఎకరం అన్ని కోట్లా..!
హైదరాబాద్లో మరోసారి రియల్ భూమ్ కనిపించనుందా?. ఎకరా 100 కాదు 150 కోట్లు పలకనుందా?. అక్టోబర్ 6న ఏం జరగబోతుంది. ప్రభుత్వ భూముల వేలం ఏ విధంగా ఉండబోతుంది. ఆ డీటేల్స్ అన్నీ ఈ కథనం లోపల తెలుసుకుందాం .. ..
Updated on: Sep 15, 2025 | 9:22 PM
హైదరాబాద్లో మళ్లీ రియల్ భూమ్ వచ్చేలా ఉంది. భూముల ధరలు అమాంతం పెరగబోతున్నాయన్న అంచనాలు కనిపిస్తున్నాయి. వచ్చే నెలలో జరిగే వేలంలో ఎకరా రిజర్వ్ ధరనే 101 కోట్ల రూపాయలుగా ప్రకటించింది సర్కార్. ఆ రోజు జరిగే వేలంలో ఎకరా ధర 150 కోట్ల రూపాయలు టచ్ చేయబోతుందన్న అంచనాలున్నాయి. అంతకు మించి కూడా పలికే అవకాశం ఉందని తెలుస్తోంది.
హైదరాబాద్ రాయదుర్గం నాలెడ్జ్ సిటీలో 18.67 ఎకరాల ప్రభుత్వ భూములను అక్టోబర్ 6న ఈ- వేలం వేయనుంది ప్రభుత్వం. ఒక్కో ఎకరా రిజర్వ్ ధర రూ.101 కోట్లుగా నిర్ణయించింది. సర్వే నంబరు 83/1లో ప్లాట్ నెంబర్ 19లో 11 ఎకరాలు, ప్లాట్ నెంబర్ 15A/2లో 7.67 ఎకరాలు వేలం వేయబోతుంది. రిజిస్ట్రేషన్ ఫీజు 1180 రూపాయలుగా నిర్ణయించింది ప్రభుత్వం. బిడ్ డాక్యుమెంట్ ఫీజు ఒక్కో ప్లాట్కు 10 లక్షల రూపాయలు ఉంటుంది.. దీనికి GST అదనం. బిడ్ దాఖలుకు అక్టోబరు 1 సాయంత్రం 5 గంటల వరకు సమయం ఇచ్చింది. అక్టోబరు 4వ తేదీ వరకు ల్యాండ్ విజిటింగ్కు సమయం ఇచ్చారు. అక్టోబరు 6న మధ్యాహ్నం 3 గంటల నుంచి సాయంత్రం 6 గంటల వరకు వేలం వేస్తారు.
రాయదుర్గంలో భూముల వేలంతో రూ.2 వేల కోట్ల ఆదాయం వస్తుందని ప్రభుత్వం అంచనా వేస్తుంది. ఆర్థిక ఇబ్బందుల నుంచి గట్టేందుకు ప్రభుత్వం కసరత్తు చేస్తుంది.
మరిన్ని తెలంగాణ వార్తల కోసం ఇక్కడ క్లిక్ చేయండి.
