పొల్యూషన్‌కు చెక్.. సిటీకి బ్యూటీ.. ఎలా..?

విశ్వవిఖ్యాత నగరం హైదరాబాద్ ఇప్పుడు కాలుష్యంలో కొట్టుమిట్టాడుతోంది. ఏడాదికేడాదికి వాహనాలు ఇబ్బడిముబ్బడిగా రోడ్లపై దూసుకుపోతున్నాయి. దీంతో భాగ్యనగరం కాస్త కాలుష్యనగరంగా మారిపోయి.. నగరవాసులను కాలేయ సమస్యలు, అస్తమా వంటి పలు రోగాల పాలు చేస్తోంది. వాహనాలతో పాటు వాయు కాలుష్యం, జల కాలుష్యం కూడా పెరిగిపోతున్న నేపథ్యంలో కేవలం కొన్ని ముందుస్తు జాగ్రత్తలు తీసుకుంటే ఈ కాలుష్యాలను తగ్గించువచ్చునన్నది ఓ అంచనా. అయితే ఈ కాలుష్యాన్ని తగ్గించేందుకు రాష్ట్ర కాలుష్య నియంత్రణ మండలి నడుం బిగించింది. ఇందులో […]

  • Tv9 Telugu
  • Publish Date - 3:25 pm, Sat, 20 July 19
పొల్యూషన్‌కు చెక్.. సిటీకి బ్యూటీ.. ఎలా..?

విశ్వవిఖ్యాత నగరం హైదరాబాద్ ఇప్పుడు కాలుష్యంలో కొట్టుమిట్టాడుతోంది. ఏడాదికేడాదికి వాహనాలు ఇబ్బడిముబ్బడిగా రోడ్లపై దూసుకుపోతున్నాయి. దీంతో భాగ్యనగరం కాస్త కాలుష్యనగరంగా మారిపోయి.. నగరవాసులను కాలేయ సమస్యలు, అస్తమా వంటి పలు రోగాల పాలు చేస్తోంది. వాహనాలతో పాటు వాయు కాలుష్యం, జల కాలుష్యం కూడా పెరిగిపోతున్న నేపథ్యంలో కేవలం కొన్ని ముందుస్తు జాగ్రత్తలు తీసుకుంటే ఈ కాలుష్యాలను తగ్గించువచ్చునన్నది ఓ అంచనా. అయితే ఈ కాలుష్యాన్ని తగ్గించేందుకు రాష్ట్ర కాలుష్య నియంత్రణ మండలి నడుం బిగించింది. ఇందులో భాగంగా తాజాగా నగరవాసులకు కొన్ని సూచనలు ఇచ్చింది. అవి ఇలా ఉన్నాయి.

మీ వాహనాలకు వాయు కాలుష్యం లేదని తెలిపే సర్టిఫికేట్‌ను అధికారిక సంస్థల నుంచి పొందండి.

ఎల్పీజీ వంటి ఇంధనాలతో నడిచే వాహనాలను ఉపయోగించండి

మీ సొంత వాహనాల్లో కాకుండా ప్రజా రవాణా/ మెట్రోలను వినియోగించుకోండి. ఒకవేళ ఇది సాధ్యం కాని పక్షంలో పూలింగ్ పద్ధతిలోనైనా ప్రయాణించండి.

పై సూచనలను ప్రజలు పాటించినట్లైయితే హైదరాబాద్‌లో కాలుష్యాన్ని తగ్గించడంతో పాటు నగరానికి పూర్వ వైభవాన్ని తీసుకురావచ్చని ఆ శాఖ అధికారులు చెబుతున్నారు.