Hyderabad: బ్రతుకున్న పామును కరకరా నమిలి మింగేసిన యువకుడు.. కారణం తెలిస్తే షాకే.!

సోషల్ మీడియాలో క్రేజ్ సంపాదించుకునేందుకు యువత చేయని పనులంటూ లేవు. ఓవర్ నైట్‌లో పేరు తెచ్చుకోవడానికి వికృత చర్యలకు కూడా పాల్పడుతున్నారు. మూగజీవాలను హింసిస్తూ వీడియోలను సైతం చిత్రీకరిస్తున్నారు. ఈ క్రమంలోనే తాజాగా హైదరాబాద్ పాతబస్తీకి చెందిన ఓ యువకుడి పిచ్చి పరాకాష్టకు చేరింది.  వైరల్ కావడం కోసం ఏకంగా బ్రతికున్న పామును తింటూ వీడియో తీశాడు. చిన్న పాముపిల్లను తీసుకుని దాని తలను నోట్లో పెట్టుకుని కరకరా కొరుకుతూ నమిలి మింగాడు.

అందుకు సంబంధించిన వీడియో సోషల్ మీడియాలో వైరల్‌గా మారింది. పాపం.! ప్రాణాలు కాపాడుకునేందుకు ఆ పాము మెలికలు తిరుగుతూ గిలగిలా కొట్టుకుంది. ఈ చర్యకు పాల్పడిన యువకుడి పేరు సాజిద్ అని తెలుస్తోంది. కాగా, క్షణాల్లో ఈ వీడియో సామాజిక మాధ్యమాల్లో వైరల్ కావడంతో జంతు ప్రేమికులు మండిపడుతున్నారు. సదరు యువకుడిని శిక్షించాలంటూ హైదరాబాద్ పోలీస్ కమిషనర్, డీజీపీకి ట్విట్టర్ వేదికగా ఫిర్యాదు చేశారు.

A person chewing a Live Snake is going viral on social media. It’s an act of madness. Video is supposedly from Hyderabad. Requesting @hydcitypolice @TelanganaDGP @RachakondaCop @cyberabadpolice to investigate and book the culprits involved under relevant acts. @HiHyderabad pic.twitter.com/mCxlGKsUCW

— Forests And Wildlife Protection Society-FAWPS (@FawpsIndia) August 4, 2021

కాగా, ఈ యువకుడిపై వెంటనే చర్యలు తీసుకోవాలని ఫారెస్ట్స్ అండ్ వైల్డ్ లైఫ్ ప్రొటెక్షన్ సొసైటీ ట్విట్టర్ వేదికగా హైదరాబాద్ పోలీసులకు తెలిపారు. వారి ట్వీట్‌పై స్పందించిన హైదరాబాద్ పోలీస్.. లొకేషన్, ఏరియా డీటెయిల్స్‌ను పంపించాలని కోరారు.

Good Morning Sir, Kindly share with us the area details, above the incident that took place.

— హైదరాబాద్ సిటీ పోలీస్ Hyderabad City Police (@hydcitypolice) August 4, 2021

Read Also: 41 ఏళ్ల తర్వాత చరిత్ర సృష్టించిన భారత హాకీ జట్టు.. కాంస్యం సొంతం

బ్రేకప్ బాధ నుంచి బయటపడాలంటే.? ఈ నాలుగు విషయాలు తప్పనిసరిగా గుర్తుంచుకోండి!

మొసలికి చిక్కిన అడవి దున్న.. కట్ చేస్తే సీన్ రివెర్స్.. చూస్తే షాక్ అవ్వాల్సిందే!