Hyderabad: హైదరాబాదీలకు బిగ్ అలర్ట్.. ఈ రోజుల్లో నీటి సరఫరాకు అంతరాయం.. వివరాలివే..

సిద్దిపేట జిల్లా కుకునూర్‌పల్లి వద్ద కొత్త ట్రైన్ ట్రాక్‌ లైన్ నిర్మిస్తోంది. అయితే, ఈ నిర్మాణ పనులకు హైదరాబాద్‌కు మంచినీరు సరఫరా అయ్యే పైప్‌లైన్ అడ్డంకిగా మారింది. దాంతో ఈ పనులు పూర్తయ్యే వరకు ఆ పైప్‌లైన్‌ను పక్కకు మార్చాల్సి వస్తోంది. ఈ కారణంగా హైదరాబాద్ పరిధిలోని చాలా ప్రాంతాలకు కొంతకాలం నీటి సరఫరా నిలిచిపోనుంది. ఈ నేపథ్యంలోనే నగర ప్రజలకు అలర్ట్ జారీ చేశారు అధికారులు. రైల్వే లైన్‌ నిర్మాణ పనులకు ఆటంకం కలుగకుండా హైదరాబాద్‌కు మంచినీటిని సరఫరా చేస్తున్న గోదావరి డ్రింకింగ్ వాటర్ సప్లై ఫేజ్-1 లో కొండపాక నుంచి ఘన్‌పూర్‌కు ఉన్న 3,000 ఎంఎం డయా ఎంఎస్ మెయిన్ పైప్‌లైన్‌ను పక్కకు మార్చాల్సి వస్తోంది. మార్చి 8వ తేదీ ఉదయం 6 గంటల నుంచి 10వ తేదీ శుక్రవారం అర్థరాత్రి 12 గంటల వరకు మొత్తం 66 గంటల పాటు ఈ పనులు జరుగనున్నాయి. ఈ కారణంగా కింద పేర్కొన్న ప్రాంతాల్లో నీటి సరఫరాకు అంతరాయం ఏర్పడనుంది. ఈ ప్రాంతాల్లో నివసించే ప్రజలు.. నీటిని పొదుపుగా వినియోగించుకోవాలని అధికారులు సూచించారు.

పూర్తిగా నీటి సరఫరా నిలిచిపోనున్న ప్రాంతాలివే..

1. ఓ అండ్ ఎం డివిజన్ నం.12 (కుత్బుల్లాపూర్) : షాపూర్, చింతల్, జీడిమెట్ల, వాణి కెమికల్స్, జగద్గిరిగుట్ట, గాజుల రామారం, సూరారం.
2. ఓ అండ్ ఎం డివిజన్ నం.13 (మల్కాజ్ గిరి/అల్వాల్) : డిఫెన్స్ కాలనీ.
3. ఓ అండ్ ఎం డివిజన్ నం. 19 : నాగారం/ దమ్మాయి గూడ, కీసర.
4. ఓ అండ్ ఎం డివిజన్ నం. 24 (బొల్లారం) : రింగ్ మెయిన్-3 ఆన్ లైన్ సప్లై.
5. ఓ అండ్ ఎం డివిజన్ నం. 25 (కొంపల్లి) : కొంపల్లి, గొండ్ల పోచంపల్లి ప్రాంతాలు.
6. ఆర్ డబ్య్లూఎస్ ఆఫ్ టేక్ ప్రాంతాలు : కొండపాక (జనగామ, సిద్దిపేట), ప్రజ్ఞాపూర్ (గజ్వేల్), ఆలేర్ (భువనగిరి), ఘన్ పూర్ (మేడ్చల్/ శామీర్ పేట), కంటోన్మెంట్ ప్రాంతం, ఎంఈఎస్, తుర్కపల్లి బయోటెక్ పార్కు.
7. ఓ అండ్ ఎం డివిజన్ నం. 14 (ఉప్పల్) : కాప్రా మున్సిపాలిటీ పరిధి ప్రాంతాలు.

పాక్షికంగా అంతరాయం ఏర్పడు ప్రాంతాలు:

1. ఓ అండ్ ఎం డివిజన్ నం. 6 (ఎస్. ఆర్. నగర్) : బోరబండ, వెంకటగిరి, బంజారాహిల్స్ రిజర్వాయర్ ప్రాంతాలు, ఎర్రగడ్డ, అమీర్ పేట్, ఎల్లారెడ్డి గూడ, యూసుఫ్ గూడ.
2. ఓ అండ్ ఎం డివిజన్ నం. 9 (కూకట్ పల్లి) : కేపీహెచ్ బీ, మల్యాసియన్ టౌన్ షిప్ రిజర్వాయర్ ప్రాంతాలు.
3. ఓ అండ్ ఎం డివిజన్ నం. 15 (శేరిలింగం పల్లి) : లింగంపల్లి నుంచి కొండాపూర్ వరకు గల ప్రాంతాలు, గోపాల్ నగర్, మయూర్ నగర్, రిజర్వాయర్ ప్రాంతాలు.
4. ఓ అండ్ ఎం డివిజన్ నం. 23 ( నిజాంపేట్) : ప్రగతి నగర్ ప్రాంతం, నిజాంపేట్/ బాచుపల్లి.

మరిన్ని తెలంగాణ వార్తల కోసం ఈ లింక్ క్లిక్ చేయండి..