Hyderabad: బాబోయ్ కుక్కలు.. ప్రాణాలు తీసేస్తున్నాయి.. ఉన్నట్టుండి యువతిపై దాడి చేసి.. ఆపై..

హైదరాబాద్‌లో వీధి కుక్కలు దడపుట్టిస్తున్నాయి. కొద్ది రోజుల క్రితం అంబర్ పేటలో నాలుగేళ్ల చిన్నారిపై దాడి చేసిన విషయం తెలిసిందే. ఈ ఘటన జరగిన నాటి నుంచి జీహెచ్ఎంసీ వీధి కుక్కల అదుపునకు చర్యలు చేపట్టింది.

Dog Attack

Shaik Madar Saheb |
Updated on: Mar 28, 2023 | 1:32 PM

హైదరాబాద్‌లో వీధి కుక్కలు దడపుట్టిస్తున్నాయి. కొద్ది రోజుల క్రితం అంబర్ పేటలో నాలుగేళ్ల చిన్నారిపై దాడి చేసిన విషయం తెలిసిందే. ఈ ఘటన జరగిన నాటి నుంచి జీహెచ్ఎంసీ వీధి కుక్కల అదుపునకు చర్యలు చేపట్టింది. అయినప్పటికీ.. తరచూ ఎక్కడో ఒకచోట కుక్కల దాడుల సంఘటనలు వెలుగులోకి వస్తుండటం భయాందోళన కలిగిస్తోంది. ఈ క్రమంలో తాజాగా.. నగరంలో మరోసారి డాగ్‌ ఎటాక్‌ జరిగింది. ఓ వీధి కుక్క యువతి కాలిని కొరికేసింది. రోడ్డుపై యువతులు మాట్లాడుకుంటుండగా.. వెనుకనుంచి వచ్చి కుక్క ఆమెపై అటాక్ చేసింది. దీనికి సంబంధించిన దృశ్యాలు అక్కడున్న సీసీ ఫుటేజీలో రికార్డయ్యాయి. ఈ షాకింగ్ ఘటన హైదరాబాద్ పరిధిలోని నానక్‌రాంగూడ లాంకోహిల్స్‌లో ఆదివారం చోటుచేసుకుంది.

ముగ్గురు అమ్మాయిలు రోడ్డు పక్కన నిలబడి మాట్లాడుకుంటున్నారు. అటు పక్కనే ముగ్గురు యువకులు సైతం నిలబడి ఉన్నారు. ఈ సమయంలో రోడ్డుపై వారి పక్క నుంచి శునకం.. ముందుకు వెళ్లిపోయింది. అలా ముందుకు వెళ్లినట్లే వెళ్లి ముగ్గురు అమ్మాయిల దగ్గరకు వచ్చింది. వెనుక నుంచి వచ్చి రాగానే.. నేరు ఆ అమ్మాయి కాలు పట్టుకుంది. వీధి కుక్క దాడిలో యువతి కాలికి తీవ్ర గాయమైంది. వెంటనే ఆమెను ప్రైవేటు ఆసుపత్రికి తరలించారు. ప్రస్తుతం యువతికి చికిత్స కొనసాగుతున్నట్లు పేర్కొంటున్నారు.

ఇవి కూడా చదవండి