Fire accident: హైదరాబాద్లో మరో అగ్నిప్రమాదం.. గోడౌన్‌లో ఎగసిపడుతున్న మంటలు.. దట్టంగా పొగలలో స్ధానికులు ఉక్కిరిబిక్కిరి
హైదరాబాద్లో మరో భారీ అగ్ని ప్రమాదం చోటుచేసుకుంది. చిక్కడపల్లిలో శుభకార్యాలకు ఉపయోగించే డెకరేషన్ సామగ్రి గోదాంలో ఈ అగ్ని ప్రమాదం జరిగింది. వీఎస్టీ సమీపంలోని గోదాంలో ఒక్కసారిగా ఈ మంటలు చెలరేగాయి.
Updated on: Feb 02, 2023 | 8:21 AM
హైదరాబాద్ నడి బొడ్డులో భారీ అగ్నిప్రమాదం జరిగింది. చిక్కడపల్లిలోని వీఎస్టీ సమీపంలో ఉన్న ఓ గోదాములో ఒక్కసారిగా మంటలు చెలరేగాయి. అందులో శుభకార్యాలకు ఉపయోగించే డెకరేషన్ సామాగ్రి ఉండటంతో వేగంగా మంటలు ఎగసిపడుతున్నాయి. దీంతో ఈ ప్రాంతమంతా దట్టంగా పొగలు కమ్ముకున్నాయి. అగ్ని ప్రమాదం జరిగిన వెంటనే అగ్నిమాపక సిబ్బంది ఘటనా స్థలానికి చేరుకున్నారు. నాలుగు ఫైర్‌ ఇంజిన్ల సహకారంతో మంటలను అదుపులోకి తీసుకొచ్చేందుకు ప్రయత్నిస్తున్నారు.
అయితే ఈ గోదాము పరిసరాల్లో చిన్న చిన్న బస్తీలు ఉండటంతో స్థానికులు ఆందోళనకు గురవుతున్నారు. కరెంట్ షాట్ సర్క్యూట్‌ కారణంగానే మంటలు అంటుకున్నట్లుగా తెలుస్తోంది. ఈ అగ్ని ప్రమాదంలో భారీగా ఆస్తి నష్టం జరిగినట్లు అచనావేస్తున్నారు. ఈ ఘటనపై కేసు నమోదుచేసిన పోలీసులు దర్యాప్తు చేస్తున్నారు.
మరిన్ని హైదరాబాద్ న్యూస్ కోసం
