Telangana: రాజన్న దర్శనానికి వెళ్లి వస్తుండగా ఘోర ప్రమాదం.. ఐదుగురు దుర్మరణం.. మరొకరి పరిస్థితి..
తెలంగాణలోని సిద్ధిపేట జిల్లాలో దారుణం చోటుచేసుకుంది. కారు అదుపుతప్పి కెనాల్లోకి దూసుకెళ్లిన ఘటనలో ఐదుగురు దుర్మరణం చెందారు. మరొకరి పరిస్థితి విషమంగా ఉన్నట్లు తెలుస్తోంది.
తెలంగాణలోని సిద్ధిపేట జిల్లాలో దారుణం చోటుచేసుకుంది. కారు అదుపుతప్పి కెనాల్లోకి దూసుకెళ్లిన ఘటనలో ఐదుగురు దుర్మరణం చెందారు. మరొకరి పరిస్థితి విషమంగా ఉన్నట్లు పోలీసులు తెలిపారు. సిద్ధిపేట జిల్లాలోని జగదేపూర్ మండలం మునిగడప వద్ద ఈ ప్రమాదం చోటుచేసుకుంది. అటుగా వెళ్తున్న కారు అదుపుతప్పి బోల్తా పడి.. కెనాల్ లోకి దూసుకెళ్లింది. ఘటన జరిగిన సమయంలో కారులు ఆరుగురు ప్రయాణిస్తున్నారు.
స్థానికుల సమాచారంతో పోలీసులు హుటాహుటిన సంఘటనా స్థలానికి చేరుకుని సహాయక చర్యలు చేపట్టారు. ఈ ఘటనలో ఐదుగురు మృతి చెందగా.. ఒకరికి పరిస్థితి విషమంగా ఉందని పోలీసులు తెలిపారు. వెంటనే ఆసుపత్రికి తరలించి చికిత్స అందిస్తున్నారు.
వేములవాడ రాజన్న దర్శనానికి వెళ్లి వస్తుండగా ఈ ప్రమాదం జరిగినట్లు పోలీసులు వెల్లడించారు. మృతులు బీబీ నగర్ కు చెందిన వారుగా పోలీసులు గుర్తించారు.
ఈ ఘటనకు సంబంధించి పూర్తి వివరాలు తెలియాల్సి ఉంది..
మరిన్ని తెలంగాణ వార్తల కోసం..