Bandi Sanjay: అది బిల్లులో ఉంటే నేను రాజీనామా చేస్తా.. లేకుంటే కేసీఆర్ చేస్తారా..? బండి సంజయ్‌ సవాల్
Bandi Sanjay: తెలంగాణలో రాజకీయ మాటల యుద్ధం కొనసాగుతోంది. అటు కేంద్ర ప్రభుత్వానికి ఇటు తెలంగాణ ప్రభుత్వానికి వార్ కొనసాగుతోంది. ముఖ్యమంత్రి..
Bandi Sanjay: తెలంగాణలో రాజకీయ మాటల యుద్ధం కొనసాగుతోంది. అటు కేంద్ర ప్రభుత్వానికి ఇటు తెలంగాణ ప్రభుత్వానికి వార్ కొనసాగుతోంది. ముఖ్యమంత్రి కేసీఆర్ పదేపదే కేంద్రంపై మండిపడుతున్నారు. నాలుగో విడత ప్రజా సంగ్రామ యాత్రను ప్రారంభిస్తున్న సందర్భంగా కుత్బుల్లాపూర్‌లో బీజేపీ బహిరంగ సభలో సంజయ్‌ మాట్లాడారు. నిధులు వినియోగం, రాష్ట్రానికి కేంద్రం అందిస్తున్న నిధుల అంశాలపై కేసీఆర్ వివిధ సందర్బాలలో ఘాటుగా స్పందిస్తున్నారు. ఈ నేపథ్యంలో కేసీఆర్ వ్యాఖ్యలపై ఎంపీ, బీజేపీ తెలంగాణ రాష్ట్ర అధ్యక్షుడు బండి సంజయ్‌ తెలంగాణ ప్రభుత్వంపై కీలక వ్యాఖ్యలు చేశారు.
కేంద్రం చేసిన బిల్లును కేసీఆర్‌కు పంపిస్తానని, మోటారుకు మీటర్‌ పెట్టాలని బిల్లులో ఉంటే నేను రాజీనామా చేస్తానని స్పష్టం చేశారు. లేదంటే కేసీఆర్ రాజీనామా చేయాలని ఆయన డిమాండ్‌ చేశారు. సీఎం కేసీఆర్ తెలంగాణ ప్రజలకు క్షమాపణ చెప్పాలని డిమాండ్‌ చేశారు. ఆర్ఆర్‌ఆర్‌ను చూసి కేసీఆర్ భయపడుతున్నారని, మరో ఆర్‌ కలవబోతున్నారని సంజయ్‌ వ్యాఖ్యానించారు.
హైదరాబాద్‌ను న్యూయార్క్‌, సింగపూర్‌ చేస్తానన్న సీఎం కేసీఆర్ ఎక్కడ చేశారో చూపించాలని డిమాండ్‌ చేశారు. చిన్న పాటి వర్షం పడితే హైదరాబాద్ నగరం దారుణంగా మారుతుందని, నగరంలో గుంత చూపిస్తే వెయ్యి ఇస్తానన్న కేసీఆర్‌కు సీటిలోని గుంతలు చూపిస్తే రాష్ట్ర బడ్జెట్‌ కూడా సరిపోదని వ్యాఖ్యానించారు.
పేదలకు డబుల్‌ బెడ్‌రూమ్‌లు ఇస్తానని, ఇప్పటి వరకు ఇవ్వలేదని, రైతుల రుణమాఫీ చేయాలని ప్రశ్నిస్తే బీజేపీని మతతత్వ పార్టీ అంటున్నారని కేసీఆర్‌పై సంజయ్‌ ధ్వజమెత్తారు. రాష్టర్ సమస్యలను గాలికి వదిలేసి దేశాన్ని పట్టుకుని తిరుగుతున్నారని, కేసీఆర్ బీఆర్‌ఎస్‌ కాదు.. పీఆర్‌ఎస్‌ పెట్టుకుని కేఏ పాల్‌తో కలిసి తిరిగినా ఒరిగేదేమి లేదన్నారు.
మరిన్ని తెలంగాణ వార్త ల కోసం ఇక్కడ క్లిక్ చేయండి
