Telangana: సీఎం రేవంత్‌ మరో సంచలన నిర్ణయం.. 54 కార్పొరేషన్ల ఛైర్మన్ల నియామకాలు రద్దు
రాష్ట్రంలో పలు కార్పొరేషన్ ఛైర్మన్ల నియామకాలు, పదవీకాలం పొడిగింపు నిర్ణయాలను రద్దు చేస్తూ సీఎం రేవంత్‌ సర్కార్ కీలక ఉత్తర్వులు జారీ చేసింది. మొత్తం 54 మంది కార్పొరేషన్ ఛైర్లన్లు నియామకాలు దర్దు చేస్తున్నట్లు ఆదివారం (డిసెంబర్‌ 10) ప్రకటించింది. వీరంతా బీఆర్ఎస్‌ ప్రభుత్వ హయాంలో ఛైర్మన్లుగా బాధ్యతలు స్వీకరించారు. తాడికొండ రాజయ్య, కొండబాల కోటేశ్వరరావు, గట్టు తిమ్మప్ప..
హైదరాబాద్‌, డిసెంబర్‌ 10: రాష్ట్రంలో పలు కార్పొరేషన్ ఛైర్మన్ల నియామకాలు, పదవీకాలం పొడిగింపు నిర్ణయాలను రద్దు చేస్తూ సీఎం రేవంత్‌ సర్కార్ కీలక ఉత్తర్వులు జారీ చేసింది. మొత్తం 54 మంది కార్పొరేషన్ ఛైర్లన్లు నియామకాలు దర్దు చేస్తున్నట్లు ఆదివారం (డిసెంబర్‌ 10) ప్రకటించింది. వీరంతా బీఆర్ఎస్‌ ప్రభుత్వ హయాంలో ఛైర్మన్లుగా బాధ్యతలు స్వీకరించారు. తాడికొండ రాజయ్య, కొండబాల కోటేశ్వరరావు, గట్టు తిమ్మప్ప, మార గంగారెడ్డి, కంచర్ల రామకృష్ణారెడ్డి, వరప్రసాద్ రావు, వేద రజిని, పిట్టల రవీందర్, దూదిమెట్ల బాలరాజు యాదవ్, భరత్ కుమార్, పల్లె రవికుమార్, నంది కంటి శ్రీధర్, రవీందర్ సింగ్, ఆయాచితం శ్రీధర్, ప్రొఫెసర్ కే లింబాద్రి.. తదితర మొత్తం 54 మంది కార్పొరేషన్ ఛైర్మన్ల పదవులు రద్దయ్యాయి.
డిసెంబరు 7న తెలంగాణలో కాంగ్రెస్‌ ప్రభుత్వం కొలువుదీరిన విషయం తెలిసిందే. ఈ నేపథ్యంలో గత ప్రభుత్వ హయాంలో నియమించిన కార్పొరేషన్ ఛైర్మన్లను తొలగిస్తూ ఉత్తర్వులు జారీ అయ్యాయి. మరోవైపు ప్రభుత్వ సలహాదారుల నియామకాలను కూడా రాష్ట్ర ప్రభుత్వం రద్దు చేస్తూ శనివారం (డిసెంబర్‌ 9) ప్రకటన వెలువరించిన సంగతి తెలిసిందే.
రాజీనామా చేసిన ఛైర్మన్లు..
- మీడియా అకాడమీ ఛైర్మన్ అల్లం నారాయణ
- వికలాంగుల సహకార అభివృద్ధి కార్పొరేషన్ చైర్మన్ వాసుదేవరెడ్డి
- సివిల్ సప్లైస్ కార్పొరేషన్ చైర్మన్ సర్దార్ రవీందర్ సింగ్
- గిడ్డంగుల కార్పొరేషన్ చైర్‌పర్సన్ రజని (సాయిచంద్ భార్య)
- రాష్ట్ర డెయిరీ డెవలప్మెంట్ కార్పొరేషన్ ఛైర్మన్ సోమ భరత్ కుమార్
- తెలంగాణ సాహిత్య అకాడమీ ఛైర్మన్ జూలూరి గౌరీ శంకర్
- రాష్ట్ర కల్లుగీత కార్పొరేషన్ ఛైర్మన్ పల్లె రవి కుమార్ గౌడ్
- స్పోర్ట్స్ అథారిటీ ఛైర్మన్ డాక్టర్ ఆంజనేయ గౌడ్
- టీఎస్ ఫుడ్ కార్పొరేషన్ ఛైర్మన్ మేడె రాజీవ్ సాగర్
- గొర్రెలు, మేకల అభివృద్ధి సంస్థ ఛైర్మన్ డా. దూదిమెట్ల బాలరాజు యాదవ్
- టైక్స్ టైల్స్ కార్పొరేషన్ ఛైర్మన్ గూడూరు ప్రవీణ్
- బేవరేజెస్ కార్పొరేషన్ ఛైర్మన్ గజ్జెల నగేష్
- ఫిలిం డెవలప్మెంట్ కార్పొరేషన్ ఛైర్మన్ అనిల్ కూర్మాచలం
- ట్రైకార్ ఛైర్మన్ రామచంద్ర నాయక్
- గిరిజన ఆర్థిక సహకార సంస్థ ఛైర్మన్ వలియా నాయక్
- తెలంగాణ రాష్ట్ర పునరుత్పాదక శక్తి అభివృద్ధి సంస్థ ఛైర్మన్ వై సతీష్ రెడ్డి
- రాష్ట్ర వైద్య మౌలిక సదుపాయాల కల్పన సంస్థ ఛైర్మన్ డాక్టర్ ఎర్రోళ్ల శ్రీనివాస్
- రాష్ట్ర టెక్నాలజికల్ సర్వీసెస్ ఛైర్మన్ జగన్మోహన్ రావు
- తెలంగాణ రాష్ట్ర ఖనిజాభివృద్ధి సంస్థ ఛైర్మన్ మన్నె క్రిశాంక్
- రాష్ట్ర పర్యాటక శాఖ అభివృద్ధి సంస్థ ఛైర్మన్ గెల్లు శ్రీనివాస్ యాదవ్
మరిన్ని తెలంగాణ వార్తల కోసం క్లిక్‌ చేయండి.