CM Jagan: నేడు హైదరాబాద్‌కు ఏపీ సీఎం జగన్.. నేరుగా కేసీఆర్‌ ఇంటికి..
ప్రస్తుతం కేసీఆర్‌ విశ్రాంతి తీసుకుంటున్నారు. ఇదిలా ఉంటే యశోద ఆసుపత్రిలో ఉన్న సమయంలో కార్యకర్తలు మొదలు సినీరాజకీయ సెలబ్రిటీలు పెద్ద ఎత్తున కేసీఆర్‌ను పరామర్శించడానికి వెళ్లారు. తెలుగు దేశం పార్టీ అధినేత చంద్రబాబు సైతం కేసీఆర్‌ను పరామర్శించారు. అయితే ఏపీ ముఖ్యమంత్రి జగన్...
Updated on: Jan 04, 2024 | 12:23 PM
తెలంగాణ మాజీ ముఖ్యమంత్రి కేసీఆర్‌ గాయం నుంచి ప్రస్తుతం పూర్తిగా కోలుకున్న విషయం తెలిసిందే. గత నెల 7వ తేదీన ఫాం హౌజ్‌లో కిందపడడంతో తుంటి ఎముకకు గాయమైన విషయం విధితమే. అయితే వైద్యులు హిప్‌ రీప్లేస్‌మెంట్ సర్జరీ చేశారు. సుమారు వారం రోజుల పాటు కేసీఆర్‌ హాస్పిట్‌లో ఉన్న తర్వాత హైదరాబాద్‌లోని బంజారాహిల్స్‌లో ఉన్న ఆయన నివాసానికి చేరుకున్నారు.
ప్రస్తుతం కేసీఆర్‌ విశ్రాంతి తీసుకుంటున్నారు. ఇదిలా ఉంటే యశోద ఆసుపత్రిలో ఉన్న సమయంలో కార్యకర్తలు మొదలు సినీరాజకీయ సెలబ్రిటీలు పెద్ద ఎత్తున కేసీఆర్‌ను పరామర్శించడానికి వెళ్లారు. తెలుగు దేశం పార్టీ అధినేత చంద్రబాబు సైతం కేసీఆర్‌ను పరామర్శించారు. అయితే ఏపీ ముఖ్యమంత్రి జగన్ మాత్రం ఆ సమయంలో ఆసుపత్రికి రాలేదు. ఈ నేపథ్యంలోనే గురువారం (నేడు) కేసీఆర్‌ను పరామర్శించడానికి జగన్ హైదరాబాద్‌ వస్తున్నారు.
మరికాసేపట్లో గన్నవరం ఎయిర్‌ పోర్ట్‌ నుంచి ప్రత్యేక విమానంలో హైదరాబాద్‌ రానున్నారు. ఉదయం 10.30 గంటలకు గన్నవరం ఎయిర్‌ పోర్ట్‌ నుంచి ప్రత్యేక విమానంలో బయలుదేరి 11.15 గంటలకు బేగంపేట ఎయిర్‌పోర్ట్‌కు చేరుకుంటారు. ఆ తర్వాత బంజారాహిల్స్‌లోని నందినగర్‌లో ఉన్న కేసీఆర్‌ ఇంటికి వెళ్తారు. కేసీఆర్‌ ఇంట్లో జగన్ లంచ్‌ చేయనున్నారని సమాచారం. వీరిద్దరు గంటపాటు సమావేశం కానున్నారని తెలుస్తోంది.
ఇదిలా ఉంటే జగన్ కేవలం పరామర్శించడానికే కేసీఆర్‌ ఇంటికి వస్తున్నారని అంటున్నా.. రాజకీయంగా మాత్రం ఈ సమావేశం ప్రాధాన్యతను సంతరించుకుంది. షర్మిల తన పార్టీని కాంగ్రెస్‌లో విలీనం చేస్తున్నట్లు ప్రకటించడం, ఏపీ కాంగ్రెస్‌ అధ్యక్ష పదవిని షర్మిలకు అప్పగించనున్నారని వార్తలు వస్తున్న తరుణంలో జగన్, కేసీఆర్‌ భేటీ ఆసక్తికరంగా మారిందని పొలిటికల్ సర్కిల్స్‌లో చర్చ నడుస్తోంది.
మరిన్ని తెలంగాణ వార్తల కోసం క్లిక్ చేయండి..
