Raksha Bandhan: రాఖీ వేళ సోదరికి అరుదైన బహుమతి.. ఆకట్టుకుంటోన్న వెరైటీ రాఖీ..

సోదర సోదరీమణుల మధ్య ఉన్న శాశ్వత బంధాన్ని ఈ రాఖీ పండుగ గుర్తు చేస్తుంది.. రక్షాబంధన్ రోజున సోదరీ మణులు తమ ప్రేమకు చిహ్నంగా తమ సోదరుడి మణికట్టుకు రాఖీ కడతారు. సోదరులు వారిని రక్షిస్తామని వాగ్దానం చేస్తారు.. తోబుట్టువులు ఈ రోజును ప్రత్యేకం చేయడానికి బహుమతులను ఇచ్చిపుచ్చుకుంటారు..అలా తన అక్కకు ఈ పండుగ ఎప్పటికి గుర్తుఉండి పోయేలా పది పైసల నాణాలతో చేసిన రాఖీని బహుమతిగా ఇచ్చాడు ఓ తమ్మడు..వివరాల్లోకి వెళ్తే..

సిద్దిపేట జిల్లా గజ్వేల్ పట్టణానికి చెందిన శ్రీరామకోటి రామకోటి రామరాజు అనే వ్యక్తి రా12ఖీ పౌర్ణమి సందర్బంగా తన అక్కకోసం కంటికి కనిపించని అరుదైన చిన్న పదిపైసలు (1988) నాటి నాణాలు సేకరించాడు. వెయ్యికి పైగా నాణేలను ఉపయోగించి 10అడుగుల భారీ రాఖీ చిత్రాన్ని అద్భుతంగా రూపొందించారు. రామకోటి కార్యాలయంలో ఆవిష్కరించి తన అక్కకు అంకితమిచ్చారు. ఈ సందర్బంగా మాట్లాడుతూ అన్న చెల్లెలు, అక్క తమ్ముడు జరుపుకునే మహాత్తరమైన పండగ రాఖీ అని, తన అక్క జ్ఞాపకాలు మదిలో పదిల పర్చుకొని తన కళకు పదును పెట్టి మా అక్క రాఖీ కట్టిన చేతితోనే ఈ అద్భుత రాఖీ చిత్రాన్ని రూపొందించానని చెప్పుకొచ్చారు.

ఈ అరుదైన రాఖీన తన అక్క సంధ్యారాణికి అంకితమిచ్చానని చెప్పుకొచ్చారు రామకోటి రాజమరాజు. ప్రస్తుతం అక్క తమ మధ్య లేకపోయినా తన జ్ఞాపకాలను మాత్రం మనసులో పదిలంగా దాచుకున్నానని రామకోటి రామరాజు తెలిపారు. ఇలా తన అక్కపై ఉన్న అభిమానాన్ని వెరైటీగా చాటుకున్నారు రామకోటి. కాగా రామకోటి సోదరి రెండేళ్ల క్రితం మరణించారు.

తమ మధ్య లేకపోయినా సోదరిపై అభిమానాన్ని ఇలా చాటుకున్నాడు. ప్రస్తుతం ఈ వెరైటీ రాఖీకి సంబంధించి ఫొటోలు సోషల్‌ మీడియాలో వైరల్‌ అవుతున్నాయి. అరుదుగా లభించే పది పైసలు నాణేలను వెయ్యికి పైగా సేకరించడం గొప్ప విషయమని, తమ అక్క జ్ఞాపకార్థం ఎప్పటికీ మర్చిపోలేని మధురమైన జ్ఞాపకాన్ని అందించారంటూ నెటిజన్లు కామెంట్స్‌ చేస్తున్నారు.

మరిన్ని తెలంగాణ వార్తల కోసం క్లిక్ చేయండి..