Whatsapp Accounts: అలాంటి అకౌంట్లపై వాట్సాప్‌ కొరఢా.. 3 మిలియన్‌ల ఖాతాలు బ్యాన్‌..!

Whatsapp Accounts: ఈ ఏడాది జూన్‌ - జూలై మధ్య కాలంలో 3 మిలియన్లకు పైగా ఖాతాలను నిషేధించినట్లు ప్రముఖ మెసేజింగ్ యాప్ వాట్సాప్ వెల్లడించింది..

Subhash Goud |

Updated on: Sep 04, 2021 | 10:45 AM

Whatsapp Accounts: ఈ ఏడాది జూన్‌ – జూలై మధ్య కాలంలో 3 మిలియన్లకు పైగా ఖాతాలను నిషేధించినట్లు ప్రముఖ మెసేజింగ్ యాప్ వాట్సాప్ వెల్లడించింది. హానికరమైన, అనుచితమైన సమాచారాన్ని అరికట్టడానికి ఖాతాలను నిషేదించినట్లు వాట్సాప్ తెలిపింది. యూజర్ల నుంచి వచ్చిన ఫిర్యాదులు, ఇండియా గ్రీవియెన్స్ ఆఫీసర్ నుంచి అందుకున్న మెయిల్స్ ఆధారంగా ఈ మెసేజింగ్ ఫ్లాట్ ఫారంలో హానికరమైన సమాచారాన్ని అరికట్టడం కోసం ఆటోమేటెడ్ టూల్స్ ద్వారా ఖాతాలను నిషేదించింది.

కొత్త ఐటీ రూల్స్ 2021కు అనుగుణంగా వాట్సాప్ తన యూజర్ సేఫ్టీ మంత్లీ రిపోర్ట్‌ను విడుదల చేసింది. ఈ సంవత్సరం జూన్ 16 – జూలై 31 మధ్య 46 రోజుల వ్యవధిలో వచ్చిన ఫిర్యాదులు ఆధారంగా, అలాగే తన స్వంత టూల్స్ గుర్తించిన స్పామ్ గల 3.027 మిలియన్ ఖాతాలను నిషేధించినట్లు వాట్సప్ వెల్లడించింది. ఖాతాల నుంచి ఇలాంటి సమాచారం వ్యాప్తి చెందకుండా చర్యలు తీసుకుంటున్నట్లు వాట్సాప్‌ తెలిపింది. తప్పుడు సందేశాల కారణమవుతున్న అకౌంట్లను తొలగించడం జరుగుతుందని పేర్కొంది. ఇలాంటి ఖాతాలను గుర్తించేందుకు అత్యాధునిక సాంకేతిక పరిజ్ఞానం వినియోగిస్తున్నట్లు స్పష్టం చేసింది. ఏదైనా గ్రీవియెన్స్ కోసం మమ్మల్ని సంప్రదించాలంటే యూజర్లు wa@support.whatsapp.comకు ఈ-మెయిల్ చేయవచ్చు అని తెలిపింది.

కాగా, ఫేక్‌ న్యూస్‌, హానీకరమైన సమాచారం, అనుచిత సమాచారం వాట్సాప్‌, ఇతర సోషల్‌ మీడియాలో వైరల్‌ అవుతున్నాయి. ఇప్పటికే ఇలాంటివి వాట్సాప్‌లో ఎన్నో మెసేజ్‌లు చక్కర్లు కొడుతుండటంతో వాట్సా్‌ప్‌ అలాంటి వారి ఖాతాలను తొలగించే పనిలో పడింది. ప్రత్యేక టెక్నాజలీ ద్వారా ఇలాంటి పోస్టులు చేస్తున్న వారి ఖాతాలను తొలగిస్తున్నట్లు వెల్లడించింది.