Vivo Y51A: 6జీబీ ర్యామ్‌తో వివో కొత్త ఫోన్.. ధర, ఫీచర్లు ఎలా ఉన్నాయంటే..?
వివో 6జీబీ ర్యామ్‌తో కొత్త ఫోన్‌ను మార్కెట్ లోకి విడుదల చేసింది. వివో వై51ఏ పేరుతో కొత్త వేరియంట్‌ను భారత్‌లో విడుదల చేసింది.
Vivo Y51A: వివో 6జీబీ ర్యామ్‌తో కొత్త ఫోన్‌ను మార్కెట్ లోకి విడుదల చేసింది. వివో వై51ఏ పేరుతో కొత్త వేరియంట్‌ను భారత్‌లో విడుదల చేసింది. వివో వై51ఏ8 జీబీ ర్యామ్ + 128 జీబీ స్టోరేజ్ ఇండియాలో జనవరిలోనే విడుదల అయింది. అయితే ప్రస్తుతం 6జీబీ మోడల్‌ను అందుబాటులోకి తీసుకొచ్చింది. ఈ ఫోన్ క్వాల్‌కాం స్నాప్‌డ్రాగన్ 662 ప్రాసెసర్‌పై పనిచేయనుంది. ఈ ఫోన్ ధర రూ.16,990గా కంపెనీ నిర్ణయించింది. జనవరిలో విడుదల చేసిన 8 జీబీ ర్యామ్ + 128 జీబీ స్టోరేజ్ మోడల్ ధర రూ.17,990గా ఉన్నవిషయం తెలిసిందే. కాగా, ఈ ఫోన్ రెండు రంగుల్లో లభించనుంది. టైటానియం సఫైర్, క్రిస్టల్ సింఫనీ కలర్స్‌తో కొనుగోలు చేయవచ్చు. ఈ ఫోన్ వివో ఇండియా ఈ-స్టోర్, ఫ్లిప్ కార్ట్, అమెజాన్, పేటీయం, ఆఫ్ లైన్ రిటైల్ స్టోర్లలో అందుబాటులో ఉంది. ఫన్‌టచ్ ఓఎస్ 11తో విడుదలైంది. ఆండ్రాయిడ్ 11 ఓఎస్‌లో కొన్ని మార్పులు చేసి ఫన్ టచ్ ఓఎస్‌ను తయారు చేశారు. 6.58 అంగుళాల హెచ్‌డీ+ ఎల్సీడీ డిస్ ప్లేతో విడుదలైన ఈ ఫోన్‌లో క్వాల్ కాం స్నాప్ డ్రాగన్ 662 ప్రాసెసర్‌ ను అందించారు. 6జీబీ ర్యామ్, 128 జీబీ స్టోరేజ్‌ఈఫోన్‌లో ఉండగా, మైక్రో ఎస్‌డీ కార్డు ద్వారా 1 టీబీ వరకు స్టోరేజీని పెంచుకోవచ్చని వివో తెలిపింది.
ఇందులో బ్యాక్‌ సైడ్‌ మూడు కెమెరాల సెటప్ ఉంది. ప్రధాన కెమెరా సామర్థ్యం 48 మెగాపిక్సెల్ కాగా, 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ సెన్సార్ లతో అందించారు. సెల్ఫీల కోసం 16 మెగాపిక్సెల్ కెమెరాను ఉంచారు. ఇందులో 5000 ఎంఏహెచ్ బ్యాటరీ ఉంది. ఈ ఫోన్ 18W ఫాస్ట్ చార్జింగ్‌కు సపోర్ట్ చేయనుంది. డ్యూయల్ బ్యాండ్ వైఫై, జీపీఎస్, యూఎస్‌బీ టైప్-సీ, బ్లూటూత్ 5.0, కనెక్టివిటీ ఫీచర్లతో అలరించనుంది. ఫింగర్ ప్రింట్ సెన్సార్‌ను ఫోన్ పక్క భాగంలో అందించారు.
Also Read:
Maruti Celerio 2021: మారుతీ సుజుకీ సెలెరియో 2021 బుకింగ్స్‌ షురూ..!
Redmi 10 Series: రెడ్‌ మీ 10 సీరిస్‌ మొబైల్‌ వచ్చేస్తోంది.. ట్విట్టర్‌ ఖాతాలో వీడియో విడుదల
