Samsung Galaxy: అదిరిపోయే ఫీచర్లతో కొత్త డివైజ్‌లను విడుదల చేయనున్న సామ్‌సంగ్‌.. ఆకట్టుకుంటోన్న టీజర్స్‌.

Samsung Galaxy: ఎలక్ట్రానిక్‌ రంగంలో తనకంటూ ఓ ప్రత్యేకతను సంపాదించుకుంది సామ్‌సంగ్‌ కంపెనీ. దక్షిణ కొరియాకు చెందిన సామ్‌సంగ్‌ ప్రపంచవ్యాప్తంగా ఎలక్ట్రాకిన్‌ వస్తువుల రంగంలో దూసుకుపోతోంది. ఎప్పటికప్పుడు...

Samsung Devices

Narender Vaitla |

Updated on: Jul 13, 2021 | 8:21 AM

Samsung Galaxy: ఎలక్ట్రానిక్‌ రంగంలో తనకంటూ ఓ ప్రత్యేకతను సంపాదించుకుంది సామ్‌సంగ్‌ కంపెనీ. దక్షిణ కొరియాకు చెందిన సామ్‌సంగ్‌ ప్రపంచవ్యాప్తంగా ఎలక్ట్రాకిన్‌ వస్తువుల రంగంలో దూసుకుపోతోంది. ఎప్పటికప్పుడు వినియోగదారుల అవసరాలకు, ఆకాంక్షలకు అనుగుణంగా గ్యాడ్జెట్లు తీసుకొస్తుంది కాబట్టే ఈ బ్రాండ్‌కు అంత వ్యాల్యూ ఉంది. ఈ క్రమంలోనే తాజాగా సామ్‌సంగ్‌ పలు రకాల డివైజ్‌లను తీసుకొచ్చేందుకు సన్నాహాలు చేస్తున్నట్లు తెలుస్తోంది. వీటికి సంబంధించిన టీజర్లు ప్రస్తుతం నెట్టంట వైరల్‌గా మారాయి. ఎవన్‌ బ్లస్‌ ట్వీట్‌ చేసిన ఈ టీజర్లు టెక్‌ మార్కెట్లో ఆసక్తిని రేకెత్తిస్తున్నాయి. ఈ కొత్త ప్రొడక్ట్స్‌కు సంబంధించి సామ్‌సంగ్‌ ఆగస్టు 11న అధికారికంగా ప్రకటించనున్నట్లు తెలుస్తోంది. ఇంతకీ సామ్‌సంగ్ తీసుకురానున్న ఆ కొత్త ప్రొడక్ట్స్‌ ఏంటంటే..

ఫోల్డబుల్‌ ఫోన్‌ల మార్కెట్‌ను అందిపుచ్చుకునే క్రమంలో సామ్‌సంగ్‌ రెండు ఫోల్డబుల్‌ ఫోన్లను తీసుకురానున్నట్లు సమాచారం. వీటిలో ఒకటి గ్యాలక్సీ జెడ్‌ ఫోల్డ్‌ 3. ఈ ఫోల్డబుల్‌ ఫోన్‌ తెలుపు, గ్రీన్‌, బ్లాక్‌ రంగుల్లో రానుంది. ఇక జెడ్‌ ఫ్లిప్‌ 3 పేరుతో రానున్న మరో ఫోల్డబుల్‌ ఫోన్‌ను పర్పుల్‌, బ్లాక్‌, గోల్డ్‌, గ్రీన్‌ రంగుల్లో తీసుకురానున్నట్లు ఎవన్‌ బ్లస్‌ ఐడీలో చేసిన ట్వీట్ ద్వారా తెలుస్తోంది. ఇక సామ్‌సంగ్‌ తీసుకురానున్న మరో ఫోన్‌ గ్యాలక్సీ ఎస్‌21 ఎఫ్‌ఈ. ఈ ఫోన్‌ను పర్పుల్‌, బ్లాక్‌ రంగుల్లో తీసుకురానున్నట్లు సమాచారం. అలాగే సామ్‌సంగ్ కొత్తగా స్మార్ట్‌ వాచ్‌ను కూడా పరిచయం చేయనుంది. సామ్‌సంగ్‌ గ్యాలక్సీ వాచ్‌ 4 క్లాసిక్‌ పేరుతో తీసుకురానున్నట్లు ప్రచారం జరుగుతోన్న ఈ వాచ్‌ గూగుల్‌తో కలిసి రూపొందిస్తున్నట్లు సమాచారం. దీంతోపాటు గ్యాలక్సీ వాచ్‌ యాక్టివ్‌ 4 పేరుతో కూడా మరో వాచ్‌ను తీసుకురానున్నట్లు సమాచారం. అంతేకాకుండా సామ్‌సంగ్‌ గ్యాలక్సీ బడ్స్‌2 పేరుతో ఇయర్‌ డబ్స్‌ కూడా తీసుకొచ్చేందుకు ప్రయత్నాలు చేస్తున్నట్లు ట్వీట్‌లో తెలిపింది. మరి దీనికి సంబంధించి అధికారిక ప్రకటన ఎప్పుడు వస్తుందో చూడాలి.